Foto: kff.kz
2009 jyly júrgizilgen halyq sanaǵynda Qazaqstanda qazaq ultynyń sany 10 096 763 adam bolsa, araǵa bir múshel salyp 2021 jyly júrgizilgen sanaqta 13 497 891 adamǵa kóbeıipti. Iаǵnı 12 jyl ishinde qazaq ultynyń sany Qazaqstanda 3 401 128 adamǵa ósti. Orys ultynyń ókilderi 2009 jylǵy sanaqta 3 793 764 adam bolsa, 2021 jyly sany kemigeni baıqalyp, 2 981 946 adam sanaqqa alynǵan. О́zge ult ókilderiniń ishinde orystardan keıin baýyrlas túrik ultynyń ókilderinde de kemý bar. 2009 jylǵa deıin 97 015 adam bolsa, 2021 jyly 85 478 adamǵa deıin azaıǵan. Nemister 12 jyldyń ishinde 47 683 adamǵa, ózbekter 157 050 adamǵa, ýkraındar 54 296, uıǵyrlar 65 624 adamǵa kóbeıgen. Elimizde turatyn basqa ult ókilderiniń de sany edáýir artqany, ósý qarqyny joǵary ekeni baıqalady.
Biz buǵan deıin 2021 jylǵy sanaq boıynsha elimizde halyq sany 19 mıllıonnan asqanyn Almaty men Túrkistan oblystarynda jáne Almaty qalasyndaǵy jan sany 2 mıllıonnan asqanyn jazǵan bolatynbyz.
