KTK telearnasynyń jazýyna qaraǵanda, Olımpıada chempıony sport mektebinen 1,5 jyl boıy zańsyz alyp kelgen jalaqysyn qaıtaryp, jumystan shyǵyp ketken.
"Jaqynda ǵana bir jarym jyl boıy alyp kelgen jalaqynyń barlyǵyn keri qaıtardym. Osylaısha, sport mektebindegi jumystan shyqtym. Endi ol jerde jumys istemeımin. Salyq mekemesine baryp, arnaıy esep júrgizip, barlyǵyn tóledim. Kóp soma deýge kelmeıdi. Tájirıbem de toqtap tur. Resmı túrde jumysqa ornalasý kerek, biraq kásibı boksta júrgendikten, ol ázirge múmkin bolmaı tur. Men óz elimde jumys isteýge, óskeleń urpaqpen tájirıbemdi bólisýge daıyn boldym. Eshqandaı ókpe joq. Qazir bári jaqsy. Jaqynda sharshy alańǵa oralamyn dep úmittenemin", - dedi kásipqoı boksshy.
Buǵan deıin Danııar Eleýsinovtiń ózi AQSh-ta bola tura, Qazaqstanda jattyqtyrýshynyń jalaqysyn alyp júrgeni jaıynda aqparat taraǵan bolatyn.
