Foto: gov.kz
Maıdangerge Qorǵanys mınıstriniń atynan alǵys hat tapsyrǵan podpolkovnık Almasbek Buharbaev azat etýshi batyrlardyń máńgi este saqtalatynyn, al ardagerlerge qamqorlyq jasaý – ár áskerı qyzmetshiniń mindeti ekenin atap ótti.
Marııa Kýrbatova 1923 jyly 29 qazanda Pavlodar oblysyna qarasty Voronsovka aýylynda dúnıege kelgen. Ekinshi dúnıejúzilik soǵysy kezinde ol kóshpeli gospıtalda jaralylarǵa kómek kórsetti. 1943 jyly maıdanǵa barar aldynda Máskeý oblysyndaǵy mergenderdi daıarlaý jónindegi nusqaýshylardyń ortalyq mektebin úzdik támamdady.
Aǵa serjant Marııa Kýrbatova 138-shi Qyzyl Tý atqyshtar dıvızııasy 650-shi Sývorov ordeni atqyshtar polkiniń quramynda shaıqasqan. Ýkraına, Polsha, Chehoslovakııany azat etýge atsalysqan.
Soǵys aıaqtalǵanda Pavlodarǵa oralyp, orta mektepte alǵashqy áskerı daıyndyq páninen sabaq berdi. Marııa Danılovna Otan soǵysy, Jýkov ordenderimen, «Erligi úshin», «Jaýyngerlik eńbegi úshin», «Germanııany jeńgeni úshin» medaldarymen marapattalǵan.
Áskerı qyzmetshilerdiń kórsetken qamqorlyǵyna maıdangerdiń týystary rızalyqtaryn aıtyp, alǵystaryn bildirdi.
