«Kináli tulǵalarǵa keletin bolsaq, qazir sáıkes jumystar júrgizilip jatyr. Byltyr da 4 kenshi qaza tapty. Ol boıynsha barlyq tergeý aıaqtaldy. Jaqyn arada materıaldar sotqa beriledi. Tamyz aıynda apat bolyp, 5 kenshi qaza tapty. Qazir tergeý jumystary júrgizilip jatyr. Sońǵy bolǵan apat boıynsha da tergeý bastaldy. Barlyq kináli tulǵalar jazaǵa tartylady. Sheneýnikterge keletin bolsaq, olar da tergeý aıasynda bolady. Biz Úkimet retinde bul tragedııalardaǵy kinámizdi túsinemiz. Qaza tapqan kenshilerdiń otbasy men zardap shekkenderge ózim jáne áriptesterimniń atynan keshirim suraǵym keledi. Biz de bolǵan oqıǵa úshin jaýaptymyz. Qazirgi bizdiń maqsatymyz-kompanııany Qazaqstanǵa qaıtaryp, onyń turaqty jumysyn qatmamasyz etý jáne jumys oryndary men jalaqyny saqtap qalý. Kenshilerdiń qazasynan keıin týyndaǵan mindetterdi de oryndaýymyz kerek», - dedi Smaıylov.
Astana arnasynyń jazýynsha, Premer-mınıstr «ArselorMıttal Temirtaý» kompanııasynyń qazirgi jaǵdaıyna da ishinara Úkimet jaýapty ekenin aıtty.
«Investordyń óziniń mindettemelerin oryndamaýy bizdiń de jaýapkershiligimizge jatady. Sondyqtan kenshilerdiń otbasynan keshirim suraımyz, óz jaýapkershiligimizdi sezinemiz», - dedi Úkimet basshysy.
Eske salsaq, «Kostenko» shahtasynda apat bolyp, 46 kenshi qaza tapty.
