Foto: aikyn.kz
Bıýronyń resmı saıtyndaǵy Ulttyq sanaqtar bóliminde jarııalanǵan Qazaqstan Respýblıkasy halqynyń ulttyq quramy, dini jáne tilderdi meńgerýi boıynsha ekinshi taqyryptyq jınaqta qundy derekter berilgen. Qazaqstanda qazaq halqynyń ósý qarqyny 2009-2021 jyldar aralyǵynda 33,7%-ǵa kóbeıgen. Elimizde 2009 jylǵy sanaq qorytyndysynda 1 jasqa deıingi ulty qazaq balalarynyń sany 254 420 bolsa, 2021 jyly 349 837-ge jetken. 2009 jylǵy halyq sanaǵynda 1-4 jas aralyǵynda bala sany 827 670 bolǵan, 2021 jylǵy kórsetkish – 1 241 160 bala. 12 jyldyń ishinde 5-9 jas arasyndaǵy jetkinshekterdiń de qatary kóbeıgen. 2009 jyly ótkizilgen halyq sanaǵynda el turǵyndarynyń ishindegi 5 pen 9 jas aralyǵyndaǵy balalardyń sany 816 641 dep kórsetilgen. 2021 jyly bul jas aralyǵyndaǵylardyń qatary artyp 1 506 964 adamǵa jetti. 10-14 jas aralyǵyndaǵy jasóspirimderde de ósý dınamıkasy baıqalady. 2009 jylǵa deıin osy jas aralyǵyndaǵy balalardyń sany 877 614-ke jetse, 2021 jylǵy sanaqta 1 399 146 adamǵa artty. Tek 15-19 jas aralyǵyndaǵy jasóspirim, jastardyń ǵana kórsetkishi tómendegen. 2009 jyly 19 jastan asqaqandar men 19 jasqa deıingi jastardyń qatary 1 100 323 adamǵa jetse, 2021 jyly 958 340-qa tómendegen.
