Foto: A.Baıjumanov
Zańdy tanystyrý kezinde Qarjy mınıstriniń orynbasary Abzal Beısembekuly jáne ulttyq ekonomıka mınıstriniń orynbasary Azamat Ámrın baıandama jasady. Qarjy mınıstriniń orynbasary bıýdjet shyǵystarynyń negizgi úlesi áleýmettik salaǵa tıesili ekenin aıta kelip, ol 2024 jyly bıýdjettiń jalpy shyǵystarynyń 40%-dan astamyn quraıtynyn habarlady. Osylaısha, halyqtyń tabysyn arttyrý baǵdarlamasy aıasynda 129 myń jumys orny ashylyp, 1,5 mln adamnyń eńbekaqysy kóbeıedi. 163 myń oqýshyǵa arnalǵan 160 jańa mektep pen 556 alǵashqy medısınalyq-sanıtarlyq kómek nysany salynady jáne ashylýy tıis. Mınıstrdiń orynbasary 417 myń sharshy metr turǵyn úıdi paıdalanýǵa berý josparlanyp otyrǵanyn aıtty. 7 myńǵa jýyq otbasy turǵyn úı jaǵdaıyn jaqsartatyn bolady.
Ulttyq ekonomıka mınıstriniń orynbasary óz kezeginde respýblıkalyq bıýdjet pen Ulttyq qordyń kórsetkishterin anyqtaýdaǵy negizgi úsh mindetti atady. Birinshisi – bıýdjet kórsetkishteriniń turaqtylyǵyn qamtamasyz etý jáne Ulttyq qordyń jınaqtaý fýnksııasyn kúsheıtý. Ekinshisi – orta jáne uzaq merzimdi kezeńde bıýdjet saıasatynyń yqtımal táýekelderin baǵalaýdy júzege asyrý. Úshinshisi – memlekettik qarjynyń nysanaly baǵdarlarynyń teńgerimdiligi. Atalǵan zań Senat komıtetiniń jumys toptary men otyrystarynda talqylanǵannan keıin Palatanyń qaraýyna usynylady.
