Komandalyq álem chempıonatynda Sergeı Kvaktyń shákirtteri Ońtústik Koreıa komandasymen sheberlik baıqasty. Ońtústikkoreıalyq jasóspirimder bir kún buryn Devıs kýboginiń alty dúrkin jeńimpazy Ispanııadan basym túsken edi. Onyń ústine jastar quramasy Shymkent qalasynda ótken álem chempıonatyna irikteý kezeńiniń jartylaı fınalynda ońtústikkoreıalyqtarǵa ese jibergen.
Birinshi bolyp Zańǵar Nurlanuly (331 ITF Juniors ranking) Kım Mý Bınmen (285 ITF Juniors ranking) kortqa shyqty. Úsh saǵatqa jýyq ýaqytqa sozylǵan tartysty báseke Kım Mýdyń paıdasyna aıaqtaldy – 6:4, 4:6, 6:7 (3:7).
Ekinshi oıynda Ámir Omarhanov (99 ITF Juniors ranking) jasóspirimder arasynda álemniń 68-raketkasy Hvan Don Hıondi asa qınalmaı jeńdi – 6:2, 6:2.
Sheshýshi, juptyq synda Damır Jalǵasbaı men Ámir Omarhanov 46 mınýtta Kım Mý Bın – Chon Ion Sýdan aılasyn asyrdy – 6:3, 6:2.
Osylaısha, D tobynda ár komandanyń qorjynynda 3 upaıdan bar. Seısenbide Ispanııa Italııadan basym tústi. Keshe Qazaqstan quramasy Ispanııamen oınady.
