City Transportation Systems kólik kompanııasy men qalalyq polısııa departamenti oqıǵaǵa túsinik berdi.
CTS málimetinshe, 2 qarasha kúni saǵat 15:49-da Abylaı han dańǵyly – Jansúgirov kóshesiniń qıylysynda №33 avtobýstyń júrgizýshisi óz baǵyty boıynsha kele jatyp, baǵdarshamnyń qyzyl túsi janyp turǵanda joldy kesip ótip bara jatqan jaıaý júrginshini qaǵyp ketken.
"Jaıaý júrginshi №1 kópsalaly qalalyq aýrýhanaǵa jetkizildi. Avtobýstyń jyldamdyǵy saǵatyna 20 shaqyrym bolǵan.
Júrgizýshi jol erejesin buzbaǵan, apat bolmaǵan. Jumys tájirıbesi 6 jyldan asady. Sapar aldynda 05:30-da medısınalyq tekserýden ótken. Demalystan keıin búgin jumysqa shyqqan", - dedi kólik kompanııasy.
Alaıda Astana polısııa departamenti basqa aqparat taratty. Olardyń málimetinshe, áıel baǵdarshamnyń jasyl túsi janǵanda ótip bara jatqan. Astanalyq polıseıler jol-kólik oqıǵasy boıynsha tergeý júrgizip jatyr.
