Foto: Ashyq derekkóz
Oblystyq saılaý komıssııalary usynǵan derekterge súıensek, elorda ýaqytymen saǵat 07.00-degi jaǵdaı boıynsha óńirlerde barlyq 1491 aýdandyq jáne qalalyq saılaý ýchaskeleri daýys berýge kiristi.
Eń iri 305 saılaý ýchaskesinde (1000-nan astam saılaýshy) SDIAО́M jáne «Azamattarǵa arnalǵan úkimet» KEAQ-men birlesip, saılaýshylar tizimine kirmegen, biraq saılaý ýchaskesiniń aýmaǵynda turatyn mekenjaı málimetterin tekserý úshin servıs uıymdastyrylǵan.
Jambyl jáne Túrkistan oblystarynyń 3 saılaý ýchaskesinde «Qazaqstan Respýblıkasyndaǵy saılaý týraly» Konstıtýsııalyq zań sheńberinde aýmaqtyq saılaý komıssııalarynyń qabyldanǵan sheshimderine sáıkes daýys berý tańǵy saǵat 06.00-de bastaldy.
Qazaqstan Respýblıkasynyń aýmaǵyndaǵy ýaqyt beldeýleriniń shekaralaryna sáıkes 5 óńirdiń: Aqtóbe, Atyraý, Batys Qazaqstan, Qyzylorda, Mańǵystaý oblystarynyń saılaý ýchaskeleri Astana ýaqyty boıynsha saǵat 08.00-de ashyldy.
Saılaýshylar tizimine 1 062 327 azamat engizilgen.
4 qarasha saǵat 18.00-de jalpy, ýchaskelik komıssııalar azamattardyń jazbasha ótinishteri boıynsha aýdandar men oblystyq mańyzy bar qalalar ákimderin saılaý boıynsha daýys berý quqyǵyna 143 esepten shyǵarý kýáligin berdi.
Daýys berý búgin jergilikti ýaqyt boıynsha saǵat 07.00-den 20.00-ge deıin ótkiziledi.
