Otyrardyń jádigerleri Esikke keldi

Kórmeniń ashylý saltanatynda «Esik» mýzeı-qoryǵynyń dırektory Gúlmıra Muhtarova sóz sóılep, mazmunǵa baı tarıhı jádigerler usyn­ǵan áriptesterine alǵysyn bildirip, elimizdiń tarıhı-mádenı muralaryn dáripteýde mundaı barys-kelistiń mańyzy erekshe ekenin atap ótti.

Qonaqtar delegasııasyn bas­tap kelgen «Otyrar» memlekettik arheo­logııalyq mýzeı-qoryǵynyń dı­rek­tory Jangeldi Mahashov eki mýzeı arasyndaǵy áriptestik baı­la­nys­tar­dyń nyǵaıyp kele jatqanyna toqtaldy.

Sondaı-aq ol, kıeli Otyrar óńiri­niń tarıhı-mádenı muralarynyń keńi­nen nasıhattalýyna mán berip, mýzeı­taný, arheologııa salasyndaǵy nátıje­li jumystar júıeli jalǵasatynyn jetkizildi.

«Kóne Otyrardy zertteý, ǵylymı saralaý – sonaý ortaǵasyrlyq saıahatshylar men tarıhshylardan beri jibin úzbeı jalǵasyp keledi. Búginde Otyrar álemdik eskertkish bolyp IýNESKO tarapynan moıyndaldy. Qazir Otyrar óńirin ǵylymı zertteý jumystary Á.Marǵulan atyndaǵy Arheologııa ınstıtýty men «Otyrar» memlekettik arheologııalyq mýzeı-qoryǵy júrgizip jatqan qazba jumystarymen jalǵasyp keledi», – dedi Jangeldi Meńlibaıuly.

Aıtýly kórmeniń ashylý saltanatynda Ál-Farabı atyndaǵy Qazaq ulttyq ýnıversıteti tarıh fa­kýltetiniń dekany, professor Dos­bol Baıqonaqov sóz sóılep, ýnıversıtet ǵalymdary elimizdegi mýzeı mamandarymen birlesken ǵylymı jobalardy iske asyryp otyrǵanyn aıtty.

Rýhanı-mádenı jıyn barysynda Eńbekshiqazaq aýdany Qarakemer aýyldyq mádenıet úıiniń ónerpazdary án-jyrdan shashý shashyp, kópshilikke kóterińki kóńil-kúı syılady.

Sonymen qatar mýzeı dırektory Gúlmıra Raıylqyzy «Esik» mý­zeı-qoryǵymen belsendi árip­tes­tik ornatqan «Otyrar» mýzeı-qory­ǵynyń qyzmetkerleri men mektep muǵa­limderine alǵysyn bildirip, arnaıy marapattady.

Kórme – «Uly Jibek joly jáne Otyrar H-HI ǵǵ», «Otyrar-Qarahan dáýirinde», «HIV-HV ǵǵ. Temir dáýirindegi Otyrar», «HVI-HVIII ǵǵ. Otyrar Qazaq handyǵy tusynda», «Otyrardaǵy jazba mádenıetiniń paıda bolýy» taqyryptaryn qamtyǵan. Kórme ekspozısııasymen «Otyrar» mýzeı-qoryǵynyń qyzmetkeri Erlan Áskerını Otyrardan tabylǵan tarıhı jádigerler jóninde jan-jaqty maǵlumat berip, tanystyrdy.

Kórmede «Otyrar» mýzeı-qoryǵy qory jınaǵyndaǵy arheologııalyq eks­ponattar – keramıkalyq buıym­dar, nýmızmatıkalyq materıaldar, shynydan jasalǵan zattar, sırek kezdese­tin jádigerler, eskertkishterge qatys­ty aerofotolar men kartalar usynyldy.

Almaty oblysy