Azııa chempıonatynda top jardy

Al 8 altyn, 8 kúmis, 4 qola jeńip alǵan О́z­­bekstan sportshylary – ekinshi, Úndis­tan (6 altyn, 8 kúmis, 6 qola) úshinshi orynnan kórindi.

Erler arasynda fınalda bi­rin­shi bolyp sharshy alańǵa shyqqan Bek­sultan Boranbek (48 kg) japonııalyq Seıa Nakaıamaǵa 0:5 esebimen ese jiberdi. Ese­sine, Baqtııar Anarbaev (60 kg) ózbek­standyq Saıat Ilıasovty tóreshiler sheshi­mimen utty.

Tórehan Sabyrhan 63,5 (kg) úndistandyq Sıngh Iаshvardhandy aıqyn jeńdi – 5:0. Álem chempıony Mahmud Sabyrhannyń inisi osymen ekinshi ret jastar arasynda Azııa chempıony atanyp otyr.

Islam Sovetov (71 kg) qyrǵyz­standyq Vadım Baýrındi (5:0) súrindirse, Dáýlet Tólemisovtiń (80 kg) ózbeks­tandyq Javohır Ýmma­talıevke shamasy kelmedi. Son­daı-aq Vıktor Lıtvınov (86 kg) taǵy bir ózbek­standyq Abdýlazız Abdýrah­manovtan aılasyn asyra almady.

Eń sońǵy básekede Ivan Ermo­lenko (+92 kg) ózbekstandyq Shah­zod Polvonovpen aıqasta jeńis núktesin qoıdy. Al qyzdar arasynda fınalǵa shyqqan bes boksshymyzdyń bári de jeńimpaz atandy.

Aldymen 50 kg salmaqta Elıanýr Turǵanova úndistandyq Anshý­dan jeńisti julyp aldy. Ul­jan Sársenbek 57 kg salmaqta ózbek­­standyq Mýshtarıýbonı Ibro­hım­jonovaǵa úsh raýnd boıy soqqy­laryn dál tıgizip, osymen eki dúrkin Azııa chempıony atandy. Ásem Tańatar 63 kg salmaqta úndistandyq Dıpamen tartysty básekede 4:1 esebimen basymdyq tanytty.

Baqyt Seıdish 66 kg salmaqta ótken jyly Azııada úzdik shyq­qan edi. Bıyl sol tabysyn taǵy da qaı­talap, sońǵy báseke­de úndistandyq Kajalǵa esh múmkindik qaldyrǵan joq. Al Shuǵyla Nálibaı 75 kg sa­maqta ózbekstandyq Sanobar Bozor­boe­vany alǵashqy eki raýndta-aq úsh ret nok­daýnǵa jiberip, aıqyn basymdyqpen jeńdi.

Al jasóspirim jigitterimiz sary qur­lyq chempıonatynda medal sany jóninen jalpy esepte 2-oryn­ǵa ıe boldy.

Qazaqstan boks federasııasy málim etkenindeı, Úndistan komandasy 5 altyn, 1 kúmis, 2 qolamen medaldar kestesinde kósh bastasa, Qazaqstannyń boksshylary 3 altyn, 4 kúmis, 3 qola júldege qol jetkizdi.

Atalǵan baıraqty básekede Al­dııar Bahadúr (48 kg), Jandos Alpysbaev (75 kg) jáne Beksultan Qaıratuly (+80 kg) jeńimpaz atandy. Ásirese Beksultan úndi­s­­tandyq qarsylasyn eki ret nokdaýnǵa jiberip, aıqyn basymdyqpen utty.

Nurasyl Tólebek (52 kg), Bek­arys Nurmuhan (66 kg), Jasulan Ber­daly (70 kg), Baqytjan Aıt­muhanov (80 kg) – kúmis, Nuǵman Nyǵmet (46 kg), Baýyrjan Muratov (54 kg), Asqar Qýanysh (60 kg) qola medaldy qanaǵat tutty.

Komandalyq esepte Túrikimenstan men Qyrǵyzstan qurama­lary 1 altyn, 2 kúmis, 1 qola júlde­men 3-4-oryndardy bólisti.

Qazaqstannyń jasóspirim qyz­dar quramasy da bokstan Azııa chempıonatyn 3 altynmen aıaqtady.

Qurlyqtyq dodada Aıajan Sydyq (54 kg), Tolǵanaı Qasymhan (60 kg) jáne Alına Qudaıgenova (63 kg) jeńimpaz atansa, Aıym Táńkibaeva (46 kg), Sıla Bıbolsynqyzy (48 kg), Aqbota Esimbekova (70 kg), Arýjan Zeınollaeva (75 kg) – kúmis, Aısha Sarıeva (52 kg), Aısulý Muhıt (66 kg), Quralaı Eginbaıqyzy (80 kg) jáne Panar Seıtqanqyzy (+80 kg) qola júldege ıe boldy.

Buǵan deıin qazaqstandyq jas­óspirim qyzdar Azııa chempıonatynda 2019 jyly – 3, 2021 jyly – 4, 2022 jyly 2 altyn medalǵa qol jetkizgen edi.

Bıylǵy jarysta jalpy júlde keste­sinde Úndistan 5 altyn, 3 kúmis, 5 qolamen kósh bastasa, О́zbekstan (4 altyn, 5 kúmis, 3 qola) ekinshi orynǵa ornyqty. Qazaq­stan úzdik úshtikte.

Jarys jeńimpazdary men júl­degerleri Halyqaralyq boks federasııasy tarapynan (1-oryn – 1000 $, 2-oryn – 500 $, 3-oryn – 250 $) aqshalaı syıaqymen marapattaldy.

Týrnırdiń qorytyn­dy­sy boıynsha qyzdar arasynda «Eń úzdik jasóspirim boksshy» – Aıajan Sydyqqa (Qazaqstan), «Eń úzdik jas boksshy» – Oltınoı Sotım­boevaǵa (О́zbekstan), uldar arasynda «Eń úzdik jasóspirim boksshy» – Fýjýkı Iýga­ǵa (Japonııa), «Eń úzdik jas boksshy» Tórehan Sabyrhanǵa (Qazaqstan) berildi. «Eń úzdik tóreshi» atalymy boıynsha Marıf Ýrdeshev (О́zbekstan) pen Marııa Kavaklıeva (Bolgarııa) marapattaldy.