Foto: Ashyq derekkóz
Báıdibek aýdany boıynsha saılaýǵa 3 kandıdat qatysyp, saılaýshylar tizimine 28 myń 807 azamat engizilgen. Daýys berýge – 16 myń 729 saılaýshy qatysty. 9 myń 379 daýyspen 1973 jyly týǵan, «ERNUR» korporasııasy JShS dırektory bolyp qyzmet atqarǵan Erlan Zaıypuly Nurmahanov atalǵan aýdannyń ákimi bolyp saılandy.
Maqtaaral aýdanynyń ákimi laýazymyna 3 adam úmitker bolyp, saılaýshylar tizimine engizilgen 70 myń 648 azamat arasynan daýys berýge – 46 myń 114 saılaýshy qatysqan. 29 myń 338 daýyspen Maqtaaral aýdanynyń ákimi bolyp 1962 jyly týǵan, osyǵan deıin de atalǵan aýdannyń ákimi laýazymynda bolǵan Bahyt Násirhanuly Asanov saılanyp otyr.
Sozaq aýdany boıynsha saılaýǵa 3 kandıdat qatysqan. Saılaýshylar tizimine 35 myń 715 azamat engizilip, daýys berýge – 23 myń 948 saılaýshy qatysty. Sozaq aýdany ákimi bolyp 16 myń 016 daýys jınaǵan 1967 jyly týǵan, buǵan deıin de atalǵan aýdan ákiminiń qyzmetin atqaryp kelgen Muhıt Seksenbaıuly Turysbekov saılandy.
Al Shardara aýdanynda 3 úmitker tirkelip, saılaýshylar tizimine 44 myń 109 azamat engizilgen, daýys berýge – 29 myń 929 saılaýshy qatysqan. 18 myń 259 daýyspen Shardara aýdanynyń ákimi bolyp 1977 jyly týǵan, Shardara aýdandyq máslıhatynyń tóraǵasy qyzmetin atqarǵan Arman Romanuly Qarsybaev saılanyp otyr.
