Foto: news.myseldon.com
Álemniń 247-raketkasy Beıbit Juqaev fınalda dúnıejúzilik reıtıngte 376-orynda turǵan 20 jastaǵy Eıdan Meıomen bas júldeni sarapqa saldy.
Birinshi partııada esep 4:3 bolǵan mezette otandasymyz breık jasaı bildi – 6:3.
Ekinshi sette Beıbit taǵy bir breık jasap, amerıkalyq qarsylasyn artta qaldyrdy – 4:2. Aqyry qazaq sportshysy matchty jeńispen túıindedi – 6:4.
Bir saǵat 15 mınýtqa sozylǵan báseke barysynda B.Juqaev 11 eıs jasap, 5 breık-poınttyń ekeýin paıdalandy.
Osy jeńisiniń arqasynda Beıbit úzdik 200 tennısshiniń qataryna enip, Qazaqstannyń Aleksandr Býblıkten keıingi ekinshi raketkasy atanady.
