Foto: ashyq derekkóz
Qabyldanǵan sheshimniń negizgi maqsaty - Astana áýejaıyn mýltımodaldi hab retinde damytý, ınvestısııa quıý arqyly ushý-qoný jolaǵyn kúrdeli jóndeýden ótkizý, júk termınalynyń qýattylyǵyn jáne jolaýshylar aǵynyn arttyrý.
«Bul Astana halyqaralyq áýejaıynyń ushý-qoný jolaǵynda saǵatyna 20 ushý jáne qoný operasııasyn oryndaýǵa múmkindik beredi. Al júk termınalynyń aýmaǵy 3,3 myń sharshy metr bolady. Astana halyqaralyq áýejaıy jylyna 11 myń tonna júkti qabyldaý jáne jóneltý jumysyn júrgizip keledi», delingen habarlamada.
Osy tusta ortaq kelisim ázirge 1 jylǵa qarastyrylǵanyn aıta ketý kerek.
«Bir jyl kóleminde ınvestor Astana áýejaıynyń áleýetin zerdelep, múmkindikterin qarastyrady. Sodan keıin naqty ınvestısııa kólemi men uzaq merzimdi kelisim-shart jasasý máselesi qarastyrylady», deıdi áýejaı ókilderi.
Terminals Holding-pen yntymaqtastyq týraly kelisimge 18 qazanda Premer-mınıstr Álıhan Smaıylovtyń Túrkistan oblysyna sapary barysynda qol qoıyldy.
