«Samuryq-Qazyna» AQ jáne «KEGOC» AQ bıylǵy 28 qyrkúıek pen 2 qarasha aralyǵynda ótken Qazaqstan qor bırjalarynda aksııalardy qaıtalama ornalastyrý qorytyndylary týraly habarlady. Investorlardan jalpy somasy 34,8 mlrd teńgeden asatyn 50 myńnan astam ótinim kelip túsken. Bul josparlanǵan kóleminen 1,5 ese artyq. Jınalǵan ótinimderdi taldaý nátıjeleri boıynsha 22,6 mlrd teńgeden asatyn jalpy somaǵa ótinimderdi qanaǵattandyrý týraly sheshim qabyldanypty. Ol jarııalanǵan aksııalardyń shekti sanyna sáıkes keledi – 15 294 118 jaı aksııa.
Shara buǵan deıin jarııalanǵan aksııalardy bólý krıterıılerine sáıkes júzege asyryldy jáne qomaqty paketterdiń jeke iri ınvestorlarda shoǵyrlanýyn boldyrmaýǵa baǵyttalǵan. О́z azamattarymyzdan kelip túsken aksııalardy satyp alýǵa arnalǵan ótinimder tolyq qanaǵattandyrylǵan. Aksııalardy qaıtalama ornalastyrý sheńberinde «KEGOC» AQ 15 294 118 jaı aksııa ótkizdi. Bul kompanııanyń ornalastyrylǵan aksııalarynyń jalpy sanynyń 5,6%-yn quraıdy. Nátıjesinde, «Samuryq-Qazyna» AQ-ǵa tıesili aksııalardyń úlesi «KEGOC» AQ aksııalarynyń 85%-yna teń.
Investorlardyń qanaǵattandyrylǵan ótinimderi kelesideı bólindi:
- Qazaqstan azamattarynyń ótinimderi – 15 203 099 964 teńge somasyna (67%)
- Qazaqstandyq zańdy tulǵalardyń ótinimderi – 7 158 346 026 teńge somasyna (32%)
- sheteldik jeke jáne zańdy tulǵalardyń ótinimderi – 300 537 744 teńge somasyna (1%)
Qanaǵattandyrylatyn ótinimderdi aıqyndaý barysynda el azamattarynan túsken ótinimderge basymdyq berildi. Olardy qanaǵattandyrǵannan keıin ǵana ótinim bergen qalǵan tulǵalardyń ótinimderin qanaǵattandyrý týraly sheshim qabyldandy.
«О́tinimderdiń aıtarlyqtaı bóligi – 44%-y bólshek ınvestorlardan tústi. Bul óz azamattarymyzdyń iri ulttyq kompanııalardyń IPO/SPO sheńberinde Qor usynatyn ınvestısııalyq múmkindikterine degen joǵary qyzyǵýshylyǵyn kórsetedi. Kitap kóleminiń 55%-y ınstıtýsıonaldyq ınvestorlardyń ótinimderin, sondaı-aq shetel azamattarynyń ótinimderi mardymsyz bólikti, ıaǵnı 1%-dy qurady. Sonymen qatar qalyptasqan ótinimder kitaby sheńberindegi proporsııaǵa qaramastan, Qazaqstan azamattarynyń ótinimderin qanaǵattandyrýdyń basymdyǵyn eskere otyryp, ornalastyrýǵa arnalǵan aksııalardyń sońǵy kólemi bylaısha bólindi: bólshek saýda ınvestorlary – 67%, ınstıtýsıonaldy ınvestorlar – 32%, shetel azamattary – 1%.
Ártúrli sanattaǵy ınvestorlardyń «KEGOC» AQ aksııalaryna mundaı ártaraptandyrylǵan suranysy kompanııanyń joǵary ınvestısııalyq tartymdylyǵynyń jáne Qazaqstanda jańa generasııalaýshy qýattardy iske qosýdy josparlaý aıasynda búkil naryqtyń «KEGOC» AQ-nyń damý bolashaǵyna degen seniminiń dáleli bolyp tabylady», dedi «Samuryq-Qazyna» AQ Basqarma tóraǵasy Nurlan Jaqypov.
Negizinde KEGOC SPO Memleket basshysynyń tapsyrmalaryna sáıkes, sondaı-aq «Jekeshelendirýdiń 2021-2025 jyldarǵa arnalǵan keıbir máseleleri týraly» Úkimettiń 2020 jylǵy 29 jeltoqsandaǵy №908 qaýlysymen bekitilgen Jekeshelendirýdiń 2021-2025 jyldarǵa arnalǵan keshendi josparyna sáıkes ótkizilip jatyr.
«KEGOC SPO-nyń sátti ótýin azamattardyń memleketke jáne bizdiń kompanııaǵa degen senimi retinde baǵalaımyz. SPO nátıjeleri boıynsha kompanııanyń erkin aınalymdaǵy aksııalarynyń úlesi shamamen 2,7%-dan 8,1%-ǵa deıin ulǵaıady. Bul KEGOC aksııalarynyń ótimdiligine jaǵymdy áseri bolady jáne Qazaqstan qor naryǵynyń damýyna yqpal etedi. Biz elektr jelisin kúsheıtý boıynsha júıeli bastamalarymyzdy jalǵastyramyz. Atap aıtqanda, SPO-dan tartylǵan qarajat KEGOC-ty damytýǵa baǵyttalatyn bolady. Negizi KEGOC – dıvıdendik tarıhy minsiz kompanııa jáne naryqtyń bizge artqan senimi, otandastarymyzdyń aldynda barlyq belgilengen jospardy eń joǵary tıimdilik kórsetkishterine qol jetkize otyryp oryndaý úshin qosymsha motıvasııa bolyp tabylady», dedi «KEGOC» AQ Basqarma tóraǵasy Nábı Aıtjanov.
Búgin KEGOC SPO sheńberinde satylǵan barlyq aksııa qanaǵattandyrylǵan ótinimderge sáıkes bólinedi jáne tıisti ınvestorlar shottarynan olar satyp alatyn «KEGOC» AQ aksııalaryna tólem júrgizý úshin tıisti aqshalaı somalar alynyp, aksııa shottaryna eseptep jazylady. «Astana» halyqaralyq qarjy ortalyǵynyń bırjasynda qaıtalama saýda-sattyqtyń bastalýy kúni erteńge josparlanǵan. «Frıdom Fınans» AQ, «Halyk Finance» AQ jáne «SkyBridge Invest» AQ SPO-nyń birlesken úılestirýshileri men býkrannerleri bolyp tabylady. «BCC Invest» AQ jáne «Jusan Invest» AQ birlesken anderraıterler bolyp tabylady.
SPO-dan túsken qarajat KEGOC-tyń elimizdiń Birtutas elektr energetıkalyq júıesiniń Ońtústik aımaǵynyń jelilerin kúsheıtý boıynsha iri ınvestısııalyq jobasyn iske asyrýǵa jumsalady. Joba sheńberinde 500 kV úsh elektr qosalqy stansany keńeıte otyryp, uzyndyǵy 475 km 500 kV «Shý-Jambyl-Shymkent» 2 jeli salynatyn bolady. Bul elektr energııasyn tutynýdyń boljamdy ósýine baılanysty ońtústik aımaq tutynýshylaryn elektrmen jabdyqtaý senimdiligin arttyrýǵa, sondaı-aq sol aımaqta shoǵyrlanǵan iri JEK obektileriniń qýatyn berýdi qamtamasyz etýge múmkindik jasaıtyn strategııalyq mańyzdy joba.
