Álıhan Smaıylov Tashkenttegi is-shara qarsańynda sol eldiń Prezıdenti Shavkat Mırzııoevpen kezdesti. Premer-mınıstr eń aldymen Memleket basshysy Qasym-Jomart Toqaevtyń jyly lebizin jetkizip, búginde eki el arasyndaǵy qarym-qatynastar senim men ózara túsinistikke negizdelgen strategııalyq seriktestiktiń jarqyn úlgisi ekenin basa aıtty.
Álıhan Smaıylov atap ótkendeı, joǵary deńgeıde qol jetkizilgen barlyq ýaǵdalastyqtardy iske asyrý Qazaqstan men О́zbekstan úkimetteriniń baqylaýynda bolady. Mundaǵy basym baǵyttardyń biri – ekijaqty ózara is-áreketterdiń berik ári turaqty ekonomıkalyq tuǵyrnamasyn qurý.
«О́zbekstan – Qazaqstannyń eń iri saýda seriktesteriniń biri. Ortalyq Azııadaǵy barlyq óńirlik saýdanyń shamamen 70%-y bizdiń elderge tıesili. О́tken jyldyń qorytyndysy boıynsha taýar aınalymy 30%-ǵa artyp, alǵash ret $5 mlrd-qa jetti. Biz ózara saýdany $10 mlrd-qa jetkizý boıynsha belsendi jumys júrgizip jatyrmyz», dedi Premer-mınıstr.
Ol Qazaqstan Úkimeti ekijaqty ózara is-qımyldyń barlyq spektri boıynsha О́zbekstanmen yntymaqtastyqty serpindi damytýǵa bar kúsh-jigerin salatynyn aıtty.
О́z kezeginde Shavkat Mırzııoev eki el arasyndaǵy strategııalyq yntymaqtastyq, atap aıtqanda saýda, kólik jáne sý sharýashylyǵy salasyndaǵy ýaǵdalastyqtar júıeli túrde júzege asyrylyp jatqanyn atap ótti.
«Biz barlyq máselede alǵa jyljyp kelemiz. Menińshe, sheshilmegen másele joq. Saýda salasynda Qazaqstan Prezıdentimen kelisken jobalar bizge jańa belesterge jetýge kómektesedi», dedi О́zbekstan Prezıdenti.
