Basqosýǵa Túrki Akademııasynyń prezıdenti Shahın Mustafaev, Ázerbaıjan, Qazaqstan, Qyrǵyzstan, Túrkııa, О́zbekstan, Tatarstan (Reseı Federasııasy), Qaraqalpaqstan (О́zbekstan Respýblıkasy) jáne Mońǵolııa arheologııalyq zertteýler salasyndaǵy ǵylymı ınstıtýttar men ortalyqtardyń basshylary, sondaı-aq jetekshi arheologtar men sarapshylar qatysty.
Kezdesý barysynda túrki áleminiń arheologııa salasyndaǵy ǵylymı-zertteý ınstıtýttary men ortalyqtarynyń basshylary yntymaqtastyq pen qarym-qatynasty tereńdetýdiń yqtımal baǵyttaryn talqylady.
Túrki Akademııasynyń basshysy Sh.Mustafaev óziniń kirispe sózinde Túrki álemi arheologııalyq ǵylymı-zertteý ınstıtýttary men ortalyqtarynyń qaýymdastyǵyn (ARICA) qurýdy maqsat etken birinshi jumys otyrysynyń maqsaty men mindetterine toqtaldy. Ol túrki ıntegrasııasyn jan-jaqty damytý aıasynda arheologııalyq zertteýlerdi úılestirý, sondaı-aq bar máselelerdi birlesip sheshý úshin túrki áleminiń arheologııalyq ınstıtýttary men ortalyqtaryn biriktiretin qurylym qurý qajettigin basa aıtty.
Is-sharaǵa qatysýshylar arheologııalyq ǵylymı-zertteý ınstıtýttary men ortalyqtary onlaın rejimde ózara árekettese alatyn, tájirıbe almasyp, zertteýler men is-sharalardy birlesip júrgizetin platforma qurýdyń mańyzdy ekendigin maquldady.
Qatysýshylar ARICA belsendi ózara is-qımyl, aqparat jáne tájirıbe almasý, sondaı-aq birlesken ǵylymı zertteýler men basqa da is-sharalar alańyna aınalýy tıis ekenin, sol arqyly túrki áleminiń arheologııalyq zertteý ınstıtýttaryn, ortalyqtaryn jáne belsendi sarapshylaryn biriktirý kerektigin atap ótti.
Otyrys nátıjesinde ǵylymı uıymdardyń basshylary men sarapshylar «Túrki áleminiń arheologııalyq ǵylymı-zertteý ınstıtýttary men ortalyqtarynyń qaýymdastyǵyn (ARICA) qurý týraly hattama qabyldady.
Hattamaǵa kelesi ǵylymı mekemeler qol qoıdy: Ázerbaıjan Ulttyq ǵylym akademııasynyń Arheologııa, etnografııa jáne antropologııa ınstıtýty, Á.Marǵulan atyndaǵy Arheologııa ınstıtýty, Qyrǵyz Respýblıkasy Ulttyq ǵylym akademııasynyń Tarıh, arheologııa jáne etnologııa ınstıtýty, Iа. Gýlıamov atyndaǵy Samarqand arheologııa ınstıtýty, О́zbekstan Respýblıkasy Ǵylym akademııasynyń Ulttyq arheologııa ortalyǵy, О́zbekstan Respýblıkasy Ǵylym akademııasy О́nertaný ınstıtýty, Qaraqalpaq gýmanıtarlyq ǵylymdar ǵylymı-zertteý ınstıtýty (О́zbekstan), Tatarstan Ǵylym akademııasy A.H. Halıkov atyndaǵy Arheologııa ınstıtýty (RF).
Sondaı-aq atalǵan jıyn aıasynda Tatarstan Respýblıkasy Ǵylym akademııasy daıyndaǵan «Arheologııa: Edil-Oral óńiri» jeti tomdyq basylymynyń tusaýkeseri ótti.
