Oblystyq prokýratýra baspasóz qyzmetiniń aqparatyna qaraǵanda, Atyraý qalalyq ákimdiginiń laýazymdy tulǵalaryna qatysty alaıaqtyq belgilerimen sotqa deıingi tergeý júrip jatyr.
«2020-2022 jyldar kezeńinde ákimdiktiń laýazymdy tulǵalary jeke turǵyn úı qurylystary úshin rekreasııalyq aımaqtarǵa, onyń ishinde jasyl jelek aımaqtary, saıabaqtar, skverler, jaǵalaýlar jáne taǵy basqa sanatqa jatatyn jer ýchaskelerin zańsyz bergeni anyqtaldy. Osyǵan baılanysty búgin QR Qylmystyq Kodeksiniń 190-baby 4-bóliginiń 2-tarmaǵynda kózdelgen qylmystyq quqyq buzýshylyq jasady degen kúdikpen Atyraý qalasynyń eks-ákimi Qaırat Orazbaev ustaldy», dep habarlady prokýratýranyń baspasóz qyzmetinen.
Eks-ákim Atyraý qalalyq polısııa basqarmasynyń ýaqytsha ustaý ızolıatoryna qamaýǵa alyndy. QR Qylmystyq-prosestik kodeksiniń 201-babynyń talaptaryna sáıkes ózge aqparat jarııa etýge jatpaıdy.
