Foto: senate_kz
M.Áshimbaev sıfrlyq tehnologııa dáýirinde tikeleı baqylaý ornatý arqyly memlekettik organdar men bıznes arasyndaǵy qarym-qatynastyń jańa paradıgmasyn qalyptastyrýǵa umtylýdyń mańyzy zor ekenin aıtty. Sonymen qatar memlekettik baǵdarlamalar, qabyldanyp jatqan sheshimder men qujattardyń sapasyn arttyrý úshin pysyqtaýdy talap etetinin de alǵa tartty.
«Qazir biz bir zańdy jylyna kem degende birneshe ret ózgertemiz. Osyndaı ózgeriske ushyramaǵan zań bar ma? Bul neni bildiredi? Bul memlekettik sheshimderdiń sapasy men olardyń qalaı daıyndalǵanyn kórsetedi. Memlekettik baǵdarlamalarǵa da qatysty másele osyndaı. Bylaı qaraǵanda, kóp qarjy bóletin sııaqtymyz. Biraq naqty nátıjeni kórmeımiz. Múmkin, bul rette asyqpaý kerek shyǵar. Onyń ornyna qabyldaıtyn sheshimdi jan-jaqty pysyqtap, barlyq múddeli tarappen tyńǵylyqty talqylaǵan durys bolar. Osylaısha, barlyq pikirdi eskerip baryp, qaıta ózgertpeıtindeı etip qabyldaý qajet. Sonda ǵana turaqtylyq bolady», degen Senat Tóraǵasy áriptesterin jańa Salyq kodeksin ázirleýde ábjildik qajet ekenin eskertti.
«Bul Kodeks bıznespen aınalysýǵa, ony keńeıtýge, shaǵynnan ortaǵa, ortadan iri bızneske kóshýge yntalandyratyn qujat bolýy kerek. Bizge bıýrokratııa qajet emes. Munda esep berý degen mınımým deńgeıde bolýǵa tıis. Onsyz da sıfrlyq dáýirde bári aıqyn kórinip turady», dedi M.Áshimbaev.
