Ulttyq qaýipsizdik komıteti Qylmystyq-atqarý kodeksiniń 92-baby 3-bóligine sáıkes Kárim Másimov prokýratýranyń sanksııasymen qylmystyq is sheńberinde birqatar tergeý áreketterin júrgizý úshin Astanadaǵy UQK tergeý ızolıatoryna qaldyrylǵany belgili boldy.
«UQK K.Másimovke qatysty QR QK-nyń 218-baby «Qylmystyq jolmen alynǵan aqshany jáne ózge de múlikti zańdastyrý (jylystatý)» jáne 366-baby «Asa iri kólemde para alý» boıynsha sotaldy tergep-tekserýdi jalǵastyryp jatqanyn habarlaımyz», delingen komıtet taratqan habarlamada.
Eske salaıyq, Astana qalasynyń qylmystyq ister jónindegi mamandandyrylǵan aýdanaralyq soty Ulttyq qaýipsizdik komıtetiniń burynǵy tóraǵasy Kárim Másimovti 18 jylǵa jáne onyń orynbasarlary A.Sadyqulovty 16 jylǵa, D.Erǵojındi 15 jylǵa qamaý úkimin kesse, M.Osıpov bılik pen laýazymdyq ókilettigin asyra paıdalaný babymen 3 jylǵa bas bostandyǵynan aıyrylǵan edi.
