Foto: primeminister
Otyrysqa qatysýshylardyń aıtýynsha, kolledjder men JOO-lardyń keıbir túlekteri meńgergen mamandyǵy boıynsha jumysqa ornalasa bermeıdi. Jumyssyz qalyp qoıatyndary da bar. Munyń bir sebebi – túlekterdiń biliktilikteri jumys berýshiler qoıǵan talaptarǵa saı kelmeı jatady. Qazir eńbek naryǵynyń suranysyna saı sapaly kadr daıyndaý úshin oqý oryndary men kásiporyndar arasynda tyǵyz baılanys ornatý maqsaty tur.
«Kásibı biliktilik týraly» zańnyń aıasynda otandyq sarapshylar kásibı standarttar ázirlep jatyr, bilim berý uıymdary oqý baǵdarlamasyn sol standarttarǵa saı etip keltirip jatyr. Túlekterdiń meńgergen bilimin táýelsiz Sertıfıkattaý ortalyqtary baǵalap bastady. Mindetterdiń osylaısha bólinýi sapaly kadr daıyndaýǵa meılinshe sep bolady. Bul jumystyń basy-qasynda Eńbek jáne halyqty áleýmettik qorǵaý mınıstrligi janynan qurylǵan Biliktilik jónindegi ulttyq organ bolmaq.
Búginde 200-den asa standart zamanǵa saı laıyqtalyp, jańadan 20-sy daıyndaldy. Aıta ketsek, bul jumystyń barlyǵy sıfrlyq formatqa kóshken.
«Keleshekte qarastyryp jatqan standarttarymyz qoldanystaǵy biliktilik anyqtamalaryn almastyratyn bolady. Onyń negizinde qyzmetkerdiń mindetteri men eńbekaqy kólemi anyqtalady», dedi Tamara Dúısenova.
О́zgerip jatqan trendter joǵary bilim salasyna da áserin tıgizip otyr. Qazirde 2 800-den asa bilim berý baǵdarlamasy kásibı standarttardy eskere otyryp ázirlengen, onyń 166-sy ınnovasııalyq bolyp sanalady.
«Qazirgi jáne keleshekte suranysqa saı bolatyn kadrlardy daıyndaý úshin aımaqtyq jańa mamandyqtar atlastary ázirlenip jatyr. Olar óńirlerdegi eńbek naryǵynyń talaptaryn qanaǵattandyrýǵa baǵyttalǵan», dedi Ǵylym jáne joǵary bilim vıse-mınıstri Darhan Ahmed-Zakı.
«Bul jumysymyzdyń mańyzy óte zor. Kásibı standarttarǵa saı bilim berip jatqan oqý oryndaryna bólinetin granttar sanyn kóbeıtý jaǵyn pysyqtaýymyz kerek. Bizdiń basty maqsat – oqýyn aıaqtaǵan túlektiń esh qıyndyqsyz jumysqa ornalasýyna jol ashý. Budan barlyǵy utady», dep túıindedi T. Dúısenova.
