Oblys ákimi Ermaǵanbet Bólekpaev óńirdegi qatty daýyl saldaryn joıý úshin tótenshe jaǵdaı rejımin engizýdi tapsyrdy. Qazir qutqarýshylar iske kirisken. Qurbandar men zardap shekkender joq.
Oblystaǵy qazirgi ahýaldy TJ departamentiniń bastyǵy Murat Qatpanov baıandady:
«18-19 qarashada aımaqta qatty jeldiń saldarynan 114 turǵyn úı men ártúrli ǵımarattardyń shatyryna, qabyrǵasyna zaqym keldi. Qıraǵan shatyrdyń jalpy aýdany — 18 947 sharshy metr. Qaraǵandy, Temirtaý, Balqash, Shahtınsk, Aqtoǵaı, Abaı, Buqar jyraý, Osakarov, Nura, Qarqaraly jáne Shet aýdandarynyń aýmaǵynda elektr energııasy ishinara óship qaldy. Qazirgi ýaqytta oblystyń eldi mekenderiniń basym bóligi elektr energııasyna qosylǵan, úsh qalada jáne tórt aýdanda avarııalyq jumystar jalǵasyp jatyr. Sondaı-aq aǵashtardyń qıraýy men qulaý qaýpi týraly 85 habar tústi», dedi Murat Qatpanov.
Shatyry men qaptamasyna zaqym kelgen úılerdi qalalyq ákimdik jóndep beredi.
Oblys ákimi barlyǵyn zań aıasynda jasaýdy tapsyrdy.
