Balalar • 20 Qarasha, 2023

Elimizde 1 mln 700 myńnan astam bala mektepte tegin tamaqtanady

175 ret

kórsetildi

1 mın

oqý úshin

BUU Bas Assambleıasynyń usynysy boıynsha Dúnıejúzilik balalardy qorǵaý kúni 20 qarashada jyl saıyn atalyp ótiledi. Osy oraıda Ortalyq kommýnıkasııalar qyzmeti alańynda «Dúnıejúzilik balalar kúni: О́mirim balalarǵa arnalady» taqyrybynda dóńgelek ústel uıymdastyryldy. Is-shara barysynda Oqý-aǵartý vıse-mınıstri Edil Ospan elimizde balalardyń jan-jaqty damýyna barlyq jaǵdaı jasalǵanyn aıtty, dep habarlaıdy Egemen.kz OQK saıtyna silteme jasap.

Shyńǵys MUQAEV

Elimizde 1 mln 700 myńnan astam bala mektepte tegin tamaqtanady

Foto: OQK

«1 mln 200 myń jas sportshy úshin halyqaralyq jáne ulttyq oqýshylar gımnazııasy, Ulttyq mektep lıgasy bar, basqa sporttyq is-sharalar ótkiziledi. 2025 jylǵa qaraı mektep sport seksııalarynda balalardy qamtý sanyn 50%-ǵa jetkizý josparlanyp otyr», dep málimdedi vedomstvonyń ókili.

Balalar ýaqytynyń úshten bir bóligin mektepte ótkizetindigi jáne olardyń densaýlyǵy mekteptegi tamaqtanýǵa tikeleı baılanysty ekeni málim. Osy turǵyda 1 mıllıon 700 myńnan astam balaǵa tegin mektep tamaǵy uıymdastyrylǵanyn habarlady.

Oǵan qosa, az qamtylǵan otbasylardan shyqqan 450 myńnan astam oqýshyǵa jalpyǵa birdeı bilim berý qorynan jyl saıyn materıaldyq qoldaý kórsetiletinin jetkizdi.