Foto: asqar.org
«Men ózi jastaıymnan ataqqa, mansapqa, bılikke qyzyqqan adam emespin. Qasym-Jomart Toqaevty erteden jete tanımyn. Ulttyq ǵylym akademııasynyń vıse-prezıdenti laýazymyna ózi usynyp taǵaıyndady. Men munda uzaq aıaldamaımyn. Sheneýnik bolý meniń jumysym emes. Memleket basshysynyń júktegen tapsyrmasyn oryndasam boldy, qyzmetimdi ótkizemin. Akademııany qalaı qurý kerek, qandaı baǵytty qamtyp jumysty júrgizý qajet? Granttardy qalaı bólgen durys? Mine, osy sala boıynsha jumys isteýdiń mehanızmin quryp berý mindetim meniń. Jýyrda Qasym-Jomart Toqaev qabyldaǵanda men taǵy bir máseleni aıttym, Prezıdent sheshetinin jetkizdi. Bar ǵumyryn ǵylymǵa arnaǵan qadaý-qadaý akademıkter bar, áli úısiz júr. Osy sharýany aıtyp edim, neshe páter kerektigin surady. Men 50 páter qajet ekenin aıttym, máseleni sheshetin boldy. Mine, osyndaı áleýmettik máseleniń de túıinin tarqatqan soń Ǵylym akademııasynyń vıse-prezıdenti degen mansabymdy ótkizemin», dedi Asqar Jumadildaev.
