markhabat_zhaiymbetov
Májilis depýtaty Marhabat Jaıymbetov osy máselege qatysty mınıstrge saýal joldady. «Turǵyn úı kezeginde turǵan 645 myń adamnyń ishinen 232 myń azamatty zań talaptaryna sáıkes kelmeıdi dep turǵyn úı alý kezeginen shyǵarylǵanyn aıttyńyz. 22 myń adam kezekten shyǵaryldy. Siz aıtqan málimettegi 232 adamnyń 96 myńynda sońǵy bes jylda jeke basynda páteri bolǵan eken. 94 myń azamattyń turaqty tirkeýi basqa óńirde tirkelgendikten úı kezeginen shyǵarylypty. Osyndaı san sebepti alǵa tarta otyryp 232 myń adamdy úı kezeginen syzyp tastaımyz dedińiz. Memleket basshysynyń tapsyrmasyna sáıkes áleýmettik osal toptarǵa járdemdesý maqsatynda jalǵa beriletin úılerdi sýbsıdııalaý qolǵa alyndy. 50 mıllıard teńge qarajat bólinip, 70 myń adamdy úımen qamtamasyz etýi tıis edi. Qazir tek 12 myń adam ǵana jalǵa beriletin úıdi sýbsıdııalaýdyń sharapatyna kenelip otyr, oryndalǵan jumystyń kórsetkishi 15% ázer jetti», degen máseleni tótesinen kóterdi.
Mınıstr Sharlapaev turǵyn úı kezeginiń tiziminen syzylady degen 232 myń azamatqa qatysty áli de taldaý, saralaý jumystary júrgiziletinin aıtty. Olardyń arasynda 90 myńnan asa adamnyń basynda baspana bolǵandyqtan da olardy úı kezeginen shyǵarylmasa, zańǵa tompaq keledi eken.
