Qarjy monıtorıng agenttiginiń habarlaýynsha, ol megapolıstiń bilim berý mekemelerinde jetim balalar, ata-analardyń qamqorlyǵynsyz qalǵan balalarǵa arnalǵan lager uıymdastyrý boıynsha qyzmet kórsetýshiden 12 mln teńgeden astam somada 10% para alýǵa áreket jasady degen kúdikke ilindi.
«Para kompanııany konkýrs jeńimpazy dep taný úshin berilgen. Jetkizýshi balalar lagerin tolyqqandy uıymdastyrý úshin qajetti materıaldyq jáne eńbek resýrstaryna ıe bolmaı, konkýrstyń jeńimpazy bolyp tanylǵany anyqtaldy. Laýazymdy adam sottyń sanksııasymen qamaýǵa alyndy», delingen habarlamada.
Aıta keteıik, is qylmystyq-prosestik kodeksiniń 201-babyna sáıkes ózge aqparat jarııa etýge jatpaıdy. Konstıtýsııanyń 77-baby 3-tarmaǵynyń 1-tarmaqshasyna jáne Qylmystyq-prosestik kodeksiniń 19-baby 1-bóligine sáıkes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deıin árbir adam kinásiz dep esepteledi.
