Bul isin bastaý úshin «Agrarlyq nesıe korporasııasy» AQ arqyly «Aýyldyq jerlerde shaǵyn jáne orta bıznesti damytý» baǵdarlamasymen jeńildetilgen nesıe alýyna týra keldi. Sóıtip, «Jibek» jún óńdeý sehyn ashty.
«Ájem ismer jan edi. Onyń bul isin jalǵastyryp, kóp jyldan beri úıden is tigetin edim. Turǵyndardan tapsyrys kóbeıdi. Sol sebepten, kásibimdi keńeıtýdi oılap, sehty iske qostym. Oǵan ájem Jibektiń atyn berýdi jón kórdim. Negizgi jumysymyz – jún óńdeý, tútý, quraq quraý, eski kórpelerdi qaıta jańartý. Qazir bul istiń bárin avtomattandyrylǵan apparattarmen atqaramyz. Júndi jýatyn, tútetin, tigetin, syryp tigetin, kestelep órnek salatyn arnaıy tigin mashınalaryn satyp aldym. Qyz jasaýyn, kórpe, qorjyn, kájekeı tigemiz. Endi er adamdarǵa arnalǵan kıim tigý oıymda bar», deıdi Sh.Torbaeva.
Árıne, quraq kórpe jasaý – jeńil is emes. Sholpan Torbaevanyń aıtýynsha, buǵan tózimdilik te, sheberlik te qajet. Qazir onyń sheberhanasynda osy istiń qyr-syryn biletin 5 adam jumyspen qamtylǵan. Jumysqa tartylǵandardyń úsheýi – tiginshi, bireýi – mehanık. Aldaǵy ýaqytta taǵy 10 adamdy jumysqa tartýdy oılastyryp otyr.
«Qaı istiń de qıyndyǵy bar. Ásirese matematıkalyq bólshekterden turatyn quraqty úılesimdi etý ońaı emes. Sol sebepten, qyz jasaýyn daıyndaýǵa eki aı ýaqyt qajet. Osyǵan baılanysty qundylyǵy da, baǵasy da joǵarylaıdy», deıdi ol.
«Atameken» UKP Mahambet aýdandyq fılıalynyń basshysy Jeksenbaı Pazýlovtyń aıtýynsha, kásipkerge «Pervomaıskıı» JShS-nan túıe júnin alýǵa qoldaý kórsetilgen.
Atyraý oblysy
