Jarystyń sońǵy kúni +87 kg salmaqta synǵa túsken Aısamal Sansyzbaeva óz jankúıerlerin qýantty. Ol 250 kg (107+143) kórsetkishpen kúmis medaldi ıelendi. Qazaq ziltemirshisi tek Van Lın Chennen qalyp qoıdy. Taıpeılik sportshy Aısamaldan nebári 2 kg artyq salmaqty kóterdi. Úshinshi orynda – brazılııalyq Taıane Jýstıno de Lıma.
Buǵan deıin de A.Sansyzbaevanyń jasóspirimder men jastar arasyndaǵy baıraqty básekelerde tolaǵaı tabysqa qol jetkizgeni belgili. Atap aıtsaq, ol 2020-2023 jyldar aralyǵynda Lımada online formaty boıynsha uıymdastyrylǵan álem kýboginde, Tashkentte jalaýy jelbiregen álem jáne Azııa birinshilikterinde altynnan alqa taqty.
О́kinishke qaraı, ózge aýyr atletterimiz senim údesinen shyǵa almady. Atalǵan jarysta Egor Sherer (89 kg) jetinshi oryndy qanaǵat tutsa, Iýlııa Troshkına (49 kg) men Petr Hrebtov
(67 kg) onynshy satyǵa jaıǵasty. Byltyr Grekııanyń Iraklıon qalasynda uıymdastyrylǵan dúnıejúzilik dodaǵa Qazaqstannyń jeti ziltemirshisi qatysyp, qos júldeni qorjynǵa salǵan edi. Ol kezde Alekseı Chýrkın (73 kg) kúmis alsa, Aısamal Sansyzbaev (+78 kg) qolaǵa qol sozdy.
Gvadalaharada erler arasyndaǵy – básekede Iranǵa teń keler komanda tabylmady. Parsy eliniń apaıtósteri 2 altyn men 3 kúmisti oljalap, jalpy komandalyq esepte kósh bastady. Ekinshi oryndy AQSh-tyń tolǵaılary ıelendi. Amerıkalyqtar 2 altyn men 1 kúmisti enshiledi. Úshinshi satyǵa Armenııa jaıǵasty. Qap taýynyń qyrandyry bas júldeniń ekeýin ıemdendi. Úzdik bestikti Ýkraına men Venesýela (1+0+1) túıindedi. Odan keıingi satylarǵa Qazaqstan men Meksıka (1+0+0) turaqtady. Al áıelder saıysynda sensasııalyq nátıje tirkeldi. Meksıka quramasy óz tarıhynda tuńǵysh ret úzdikter kóshin bastady. Jarys qojaıyndary 2 altyn men 1 qolany oljalady. О́zge myqty komandalardyń nátıjelerin mynadaı: Taıpeı (2+0+0), AQSh (1+2+0), Ekvador (1+1+0), Túrkııa men Ýkraına (1+0+1) jáne Armenııa men Grýzııa (1+0+0).
