Foto: KZgovernment
Úkimet basshysy Álıhan Smaıylov telekópir rejımine qatysyp, qurylys jumysyn resmı bastap berdi. Infraqurylymdyq joba Prezıdent Qasym-Jomart Toqaevtyń tapsyrmasy boıynsha qolǵa alynyp otyr. Elimizdiń kólik-tranzıttik áleýetin damytýǵa baǵyttalǵan jobanyń aıasynda qazaq-ózbek memlekettik shekarasynda jańa ótkizý beketi boı kóteredi. Uzyndyǵy 152 shaqyrymǵa sozylatyn Darbaza – Maqtaaral temir joly iske qosylsa, О́zbekstan baǵytyndaǵy eksporttyq tasymal kólemi ulǵaıady.
«Temirjol – memleketimizdiń ekonomıkalyq jáne áleýmettik ómiriniń damýyn qamtamasyz etetin bolat arterııalar. О́tken jyly temirjoldarmen Qazaqstan táýelsizdiginiń 30 jyldyǵyndaǵy eń joǵary júk kólemi tasymaldanyp, ol 245 mlrd tonna-kılometrdi qurady. Mundaı qarqyndar geosaıası jaǵdaılarǵa jáne ınfraqurylymdyq shekteýlerge qaramastan bıyl da saqtalyp otyr», dedi Á.Smaıylov.
Eki kezeń boıynsha júzege asatyn jobada aldymen «Syrdarııa» stansııasyna shyǵatyn О́zbekstannyń memlekettik shekarasy arqyly Erdaýt – Maqtaaral jelisi salynady. Ekinshi kezeńde Jetisaı – О́zbekstannyń memlekettik shekarasy tarmaǵyn paıdalanýǵa berý kózdelip otyr. Jańa temir jol qurylysyn júrgizý kezinde 3 400 jumys orny ashylmaq.
