Erler básekesinde basty úmit Denıs Ýlanov (81 kg) pen Aqmolda Saıramkezde (67 kg). 30 jastaǵy Denıs – Rıo Olımpıadasynyń qola júldegeri, Azııa chempıony jáne Dúnıejúzilik ýnıversıadanyń jeńimpazy. 20 jastaǵy Saıramkez jasóspirimder men jastar arasynda ótken álem men qurlyq birinshilikterinde top jaryp, atalǵan dodalarda birneshe márte júldegerler qataryna qosyldy. Eresekter dýynda da qandasymyz ózin jaqsy qyrynan kórsetip júr. Onyń el chempıony degen ataǵy bar. О́zge salmaq dárejelerinde Álibek Raqymberdi men Álı Nurbaı (73 kg), Asyljan Bektaı (89 kg), Elaman Seıitqazy (89 kg), Kırıll Staroverkın (96 kg), Álisher Seıitqazy (102 kg) jáne Sultan Meıram syndy saıypqyrandarǵa senim artylyp otyr.
Al áıelder arasyndaǵy saıysta Aınur Ábdihalyqova (45 kg), Darıa Balabaıýk (59 kg), Aısha Omarova (76 kg) jáne Araı Nurlybekova (81 kg) kúsh synasady. Atalǵan jarys 14 jeltoqsanda óz máresine jetedi.
