Foto: gov.kz
Qalalyq qoǵamdyq densaýlyq saqtaý basqarmasy turǵyndardy múmkindiginshe muqııat bolýǵa, jazataıym jaǵdaıǵa ushyramaý úshin yńǵaıly, jalpaq aıaq kıim kııýge, al, eger, jaraqat alǵan jaǵdaıda medısınalyq kómek kórsetý pýnkterine birden júginý qajet ekenin aıtyp, keńes berip otyr. Al balalar men zeınetkerlerge shuǵyl qajettilik bolmaǵan jaǵdaıda úıden shyqpaýy qajet.
Travmatologııalyq pýnkt dárigerleri aýrýhananyń barlyq bólimsheleriniń qyzmetkerlerimen tyǵyz baılanysta jumys isteıdi. Aıta ketsek, búginde №4, 5, 6, 7, 9 10 qalalyq emhanalarynda saǵat 8.00-den 20.00-ge deıin shuǵyl 4-sanattaǵy balalarǵa arnalǵan medısınalyq kómek kórsetý úshin jedel járdem bólimsheleri jumys istep tur.
9 qarashada №2 kópbeıindi qalalyq balalar aýrýhanasy janyndaǵy negizgi travmatologııalyq pýnktke túsetin júktemeni azaıtý maqsatynda jáne qoljetimdi medısınalyq kómekpen qamtamasyz etý úshin qosymsha travmatologııalyq pýnkt ashylǵan bolatyn. Ol №2 qalalyq emhana bazasynda Saryarqa jáne Baıqońyr aýdandary balalaryna medısınalyq kómek kórsetedi.
Eske salaıyq, Astanada kóktaıǵaqty boldyrmas úshin joldar men trotýarlarǵa qum-tuz qospalary sebiledi, kommýnaldyq qyzmetter táýlik boıy kúsheıtilgen rejımde jumys istep jatyr.
