Qazir bul zamanaýı zııatkerlik oıyn kópshilikke keńinen tanyla bastady. Búginde Astana qalasynyń ózinde 20-dan asa kýız oıyny turaqty túrde aıyna birneshe ret uıymdastyrylady. Biraq bul kýızderdiń kóbi orys tilinde ótedi. Qazaq tilinde ótetin kýızder sanaýly ǵana. Bıyl bul qatar tolyǵa túsip, «TezTap», «Bastime» oıyndaryna IQas korporatıvtik kýızi qosyldy.
Oıynnyń uıymdastyrýshysy Mereı Ermuhanovtyń aıtýynsha, IQas kýıziniń ereksheligi – qatysýshy quramalar bir ujymnan quralady. Iаǵnı bir ujymdaǵy qyzmetkerlerdiń ózara baılanysyn nyǵaıtýǵa septigi mol.
Aı saıyn ókizilip turatyn IQas korporatıvtik kýızine bizdiń «Egemen» komandasy turaqty qatysyp keledi. Buǵan deıin eki ret qatarynyn ekinshi oryn ıelengen edik. Osy jolǵy qarasha aıynyń qorytyndy oıynynda bizdiń komanda 32 upaımen top jardy. Al ekinshi oryndy 26 upaımen «KEGOC» aksıonerlik qoǵamynyń komandasy ıelense, 25 upaımen úshinshi oryndy Injenerlik tehnıkalyq ortalyǵynyń qyzmetkerlerinen quralǵan «RMK» komandasy aldy.
IQas jobasy óte qyzyqty, ádettegi kýız formatynda jasalsa da, ózindik ereksheligi bar. Suraqtary asa kúrdeli emes. Kez kelgen qatysýshy jaýabyn taba alatyndaı logıkaǵa qurylǵan.
