Ýkraınadan da utyldy

Ýkraınanyń bul sport tú­rindegi eń eleýli tabysy – Olım­pııa oıyndarynyń qola júldesi. 2004 jyly Afınada olar aıdy aspanǵa bir-aq shy­ǵaryp, jeńis tuǵyrynyń úshinshi satysyna kóterilgen edi. Odan bólek, atalǵan memlekettiń qol doby sheberleri 2000 jyly Eýropa chempıonatynda kúmis medaldy ıelense, 2003 jyly álemdik dodada tórtinshi orynǵa taban tiredi. Desek te osy jarysta ýkraınalyqtar da Qazaqstan sekildi G tobynyń favorıtterine laıyqty qarsylyq kórsete almady. Olar Brazılııa (20:35) men Ispanııadan (20:32) oısyraı utyldy. Sóıtip, toptyq ja­rys­ta kimge úshinshi orynnyń buıy­ratyny osy qos komanda ara­syndaǵy básekede sheshildi.

О́kinishke qaraı, otandastarymyz bul matchta da osaldyq tanytty. Vıtalıı Andronov baptaǵan komanda qaqpamyzǵa 37 gol soqty. Qazaqstan gandbol­shylarynyń 24 ret qana nysanany dál kózdeýge shamalary jetti. Sóıtip, biz óz tobymyzda sońǵy orynda qalyp qoıdyq. Al birinshi oryndy Ispanııa ıelendi. Pıreneı túbeginiń gandbolshylary sheshýshi oıynda Brazılııadan 27:25 esebimen basym tústi. Endi jarystyń ekinshi kezeńi bastalady. Odan keıin pleı-off saıystaryn tamashalaımyz.