Jartylaı jeńil salmaqtaǵy (66 kg) Nıkolaı Samýsev osyǵan deıingi 8 básekeniń barlyǵynda jeńiske jetken edi. Biraq Parsy shyǵanaǵynda onyń joly bolmady. Qyrǵyz faıteri Ádilet Nurmatovpen (12-2) kúsh synasyp jatqan kezinde ol oktagonda abaısyzda taıyp qulap, qolyn syndyryp aldy. Sonyń saldarynan jekpe-jekti jalǵastyra almady.
Al Oljas Dosqaraev (14-7) reseılik Rýslan Tedeevpen (13-3) aıqasty. Bul kezdesýde Oljastyń basymdyǵy anyq baıqaldy. Ol tik turyp aıqasqanda da, kúrestiń ádisine salyp alysyp-julysqanda da qarsylasyna qaraǵanda áldeqaıda alymdy boldy. Nátıjesinde, ekinshi raýnd bastalǵan bette Oljas Rýslandy qylqyndyrý tásilimen utty.
