Foto: senate.parlam.kz
Senator elektr energııasy elimizdiń ekonomıkalyq damýyna serpin beretinin jetkizdi.
«Elektr jelileriniń kóp bóligi 1970 jyldary salynǵan. 2002-2019 ulttyq elektr jelisin jańǵyrtýǵa baǵyttalǵan jobalalar iske asyryldy. Bastapqy jabdyqtardyń tozý deńgeıiniń tómendegeni baıqalady. Búgingi kúnde orta eseppen alǵanda 66%-dan astamy tozyǵy jetip otyr. Máselen Ulytaý oblysy, Ulytaý aýdanyndaǵy jalpy uzyndyǵy 356 shaqyrym jelisiniń 70-80%-y tozyp tur. Qarajal, Jáıremdegi elektr jelisiniń de 65%-y tozǵan. Kúrdeli jóndeý birneshe jyldan beri kórmegen. Ulttyq ekonomıka mınıstrligi jergilikti atqarýshy organdarymen birge senimgerlik basqarýǵa usyna otyryp, jelilerdi kommýnaldyq menshikke berýdi ázirleý boıynsha jumystardy júrgizdi. Energııa taratýshy uıym sany 162-den 133 uıymǵa qysqardy. Energııa jetkizýshi uıymdardyń basym kópshiligi jeke menshikte. Olar bıýdjet qarjysy esebinen salynǵan elektr jelilerin, ıesiz elektr jelilerdi jáne qurylys salǵan jerlerdi qabyldaýǵa múddeli emes.
О́ńirlerde elektr jelilerin berýde problema jetkilikti. Atap aıtqanda, ákimdikter sot ıesiz dep tanyǵan jáne kommýnaldyq menshikke túsken elektr jelilerin budan bylaı energııa berýshi uıymdardyń qaramaǵyna berý jóninde jetkilikti jumys júrgizbeıdi», dedi S.Medebaev.
