Qoǵam • 07 Jeltoqsan, 2023

«Abaısyzda óltirdi dep, jazany jeńildetýdi surady». Áıelin 18 jerden pyshaqtap azaptaǵan adamǵa sot úkimi shyqty

1873 ret

kórsetildi

1 mın

oqý úshin

Almatyda áıelin 18 jerinen pyshaqtap óltirgen burynǵy kúıeýi jazasyn tolyq óteıtin boldy. Sot Talǵat Nurtaevti 11 jylǵa bas bostandyǵynan aıyrǵan bolatyn. Biraq advokaty Nurtaev jubaıyn qasaqana emes, abaısyzda jazym qyldy dep apellıasııalyq shaǵym túsirgen edi. Búgin ótken proseste sýdıa bul ýáji negizsiz dep, úkimdi ózgertpedi, dep jazady Egemen.kz KTK arnasyna silteme jasap.

Aıana TOǴANBEK

«Abaısyzda óltirdi dep, jazany jeńildetýdi surady». Áıelin 18 jerden pyshaqtap azaptaǵan adamǵa sot úkimi shyqty

Foto: azattyq-ruhy.kz

Eske salsaq, zańger Aıman Asanova men Talǵat Nurtaev 2019 jyly otbasyn qurǵan. Úsh jyl ǵana nekede turyp, jıilegen urys-keristiń kesirinen ekeýi aqyry ajyrasady. Alaıda janjal munymen bitpegen. Endi ortaq múlikti bólý máselesine kelgende kıkiljiń odan beter ýshyǵa túsken. Osylaısha áńgimeniń toq eterin qoıý úshin Talǵat Nurtaev burynǵy áıelin dál úıiniń aldynan ustap alady.

Sol kúni, tergeý málimetinshe, ol 42 jastaǵy Aıman Asanovaǵa 18 jerinen pyshaq suqqan. Áıel aýrýhanada jantásilim etti. Áý basta qylmys ashý ústinde jasaldy dep, sot qaskóıdi bir jarym jylǵa ǵana bas bostandyǵynan aıyrǵan edi. Biraq bul sheshim qoǵamda úlken daý týǵyzdy. Jazanyń tym jeńil ekenin aıtyp marqumnyń jaqyndary da qarsy shyqqan. Aqyry Nurtaev eks-áıelin qasaqana óltirgeni dáleldenip, bir jarym jyl jazasy 11 jylǵa uzartyldy.