Teńdessizder kóshin Terı Anrı bastap tur. Ol óziniń juldyzdy jyldaryn Londonnyń «Arsenaly» men Katolonııanyń «Barselonasynda» ótkizdi. Qarsylastar qaqpasyna topyrlatyp gol soǵyp, atalǵan klýbtardyń bıik belesterdi baǵyndyrýyna súbeli úles qosty. Fransııa quramasy sapynda álem chempıony (1998), álem chempıonatynyń kúmis júldegeri (2006), Eýropa chempıony (2003) jáne Konfederasııa kýboginiń ıegeri (2000) atandy. О́z eliniń ulttyq komandasynyń quramynda 123 ret jasyl alańǵa shyǵyp, 51 gol soqty. Sondaı-aq TOP-10 shabýylshynyń qataryna brazılııalyq Ronaldo, ulybrıtanııalyq Ýeın Rýnı, shvesııalyq Zlatan Ibragımovıch, kamerýndyq Samıýel Eto’O, ýkraınalyq Andreı Shevchenko, ıvýarlyq Dıde Drogba, fransııalyq Davıd Trezege, ıspanııalyq Raýl jáne nıderlandtyq Rýd van Nıstelroı endi.
Al sol kezeńdegi eń úzdik jartylaı qorǵaýshy bolyp portýgalııalyq Krıshtıaný Ronaldý tanyldy. Ekinshi jáne úshinshi oryndardy fransýz Zınedın Zıdan men brazılııalyq Kaka ózara bólisti.
