Foto: elements.envato.com
Bıyl bas qalany qysqy maýsymǵa daıyndap, jańa jyldyq bezendirýge qansha qarjy bólingeni belgili boldy.
Demalys oryndaryn qurý, jańa jyldyq bezendirýmen oǵan bólinetin qarjy sýmmasyn qala ákimdigi 5 shaǵyn aýdan (Esil, Saryarqa, Baıqońyr, Almaty, Nura) ákimdiginiń óz quziretine qaldyrǵan.
Dese de, ákimdikter qalany bezendirýge bıýdjetten qarjy bólýden bas tartpaǵan.
Qysqy demalys oryndaryn qurý men bezendirýge birinshi kezekte baryn salyp otyrǵan Esil aýdany bıýdjetten - 352 mln teńge bólgen.
Ekinshi orynda qalany bezendirýge qomaqty qarjyny Nura aýdany qarastyrǵan. Atalǵan aýdan qysqy merekelerdiń sánin keltiretin aımaq daıyndaýǵa ákimdik bıýdjetinen 150 mln teńge baǵyttaǵan.
Odan keıingi satyda Saryarqa aýdany osy baǵyttaǵy jumystardy júrgizýge 146 mln teńge bólip otyr.
Al Almaty aýdany bezendirýge - 105 mln teńge jumsamaq.
Baıqońyr aýdany syrǵanaq, muz aıdyny men jańa jyldyq bezendirý úshin - 83 mln teńge bólgen.
Elordany bezendirýge jalpy jıyny - 836 mln (836 000 000) teńge jumsalmaq.
Qysqy syrǵanaqtar men muz aıdyndary daıyndalatyn mekenjaılardy myna jerden bilýge bolady.
