Atalǵan básekede alǵashqy goldy danııalyqtar soqty. Bul esep uzaqqa deıin saqtaldy. Odan keıin Qazaqstannyń oıynshylary úzdiksiz shabýyldaǵanymen, jarty saǵattan asa ýaqyt boıy qarsylastar qaqpasynyń kiltin taba almady. Desek te ózderiniń tabandylyǵy men jankeshtiliginiń arqasynda bizdiń jigitter kózdegen maqsatyna qol jetkizdi. Úshinshi kezeń bastalǵan bette Beıbarys Orazov tarazy basyn teńestirse, kózdi ashyp-jumǵansha Danııa quramasy qaıta alǵa shyqty. Biraq olardyń bul qýanyshy uzaqqa sozylmady. 49 jáne 57-mınýttarda Kırıll Lıapýnov pen Rýslan Ospanov eki ret nysanany dál kózdedi – 3:2.
Erteń Sankt-Peterbýrgte «Birinshi arna kýbogi» bastalady. Alǵashqy kezdesýde Qazaqstannyń ulttyq quramasy Belarýspen kúsh synasady. 16 jeltoqsanda Joǵary hokkeı lıgasynyń (JHL) «juldyzdarymen» sheberlik baıqasady. Sońǵy oıynda Reseı hokkeıshilerimen kezdesedi.
