«Chempıondar túni IBA» – «Astana Arlans» týrnırinde halyqaralyq dodalarda atoı salyp júrgen 8 boksshymyz ózge el boksshylarymen kim myqtyny anyqtaıdy.
Atap aıtsaq:
71 keli salmaqta Rıo Olımpıadasynyń chempıony, 2013 jylǵy álem chempıony Danııar Eleýsinov (11-0, KO 6) Ońtústik Afrıka Respýblıkasynyń ókili Djabýlanı Makhensege qarsy (14-2, KO 7) sharshy alańǵa shyǵady.
D. Eleýsinov buǵan deıin 2015 jyly sharshy alańǵa shyqqan edi. Al qarsylasy alǵash ret syrt elde aıqas ótkizgeli tur.
2019 jylǵy álem chempıony jáne Tokıo Olımpıadasynyń qatysýshysy Bekzat Nurdáýletov (6-0, 2 KO) búginge deıin jeńilistiń kermek dámin tatpaǵan Reseı sportshysy Nıkıta Zonmen (7-0-1, KO 5) 80 kelide judyryqtasady.
67 kelide 2023 jylǵy álem chempıonatynyń kúmis júldegeri Dýlat Bekbaýov 2019 jylǵy Eýropa oıyndarynyń kúmis júldegeri, WBA tujyrymy boıynsha birinshi orta salmaqta 10-orynda turǵan Harıton Agrbamen (12-0, KO 8) sheberlik baıqasady.
2022 jylǵy Qazaqstan chempıony, ári 2023 jylǵy 22 jasqa deıingi boksshylar arasynda Azııa vıse chempıony Erasyl Jaqpekov 80 kelide jastar arasynda Eýropa birinshiliginiń kúmis júldegeri (19-22 jas), Nıderlandy boksshysy Gradýs Klaýspen aıqasady.
Bıylǵy álem chempıony jáne 2022 jylǵy Azııa chempıony Aslanbek Shymbergenov 71 kelide meksıkalyq Hose Mıgel Borregomen (20-4, KO 17) judyryq túıistiredi.
2021 jylǵy álem chempıonatynyń fınalısi jáne 2022 jylǵy Azııa chempıonatynyń kúmis júldegeri Serik Temirjanov 63,5 kelide Serbııa namysyn qorǵaıtyn orys boksshysy Pavl Fıodorovpen (3-0, KO 1) kezdesedi.
2023 jylǵy álem chempıony jáne 2021 jylǵy álem chempıonatynyń fınalısi Mahmud Sabyrhan 57 kelide kýbalyq Osvaldo Dıaspen sharshy alańǵa shyǵady.
Álem chempıony Sanjar Táshkenbaı 51 kelide 2 dúrkin Azııa chempıony, О́zbekstan sportshysy Nodırjon Mırzaahmedovpen judyryqtasady.
Kil «sen tur, men ataıyn» deıtin chempıondyq quram qatysatyn boks keshin - «Qazsport» arnasy, al Reseıde - «Match Tv» kanaly tikeleı efırde kórsetedi.
