Foto: gov.kz
Mundaı memlekettik járdemaqy kimderge beriledi? 4 jáne odan da kóp balasy bar, ári olar kámelettik jasqa tolmaǵan, tolǵan kúniń ózinde 23 jasqa deıin kúndizgi bólimde oqıtyn stýdent bolsa, alady. Otbasynyń tabysyna qaramaı beriledi. Memlekettik járdemaqy bala sanyna qaraı eseptelip aýdarylady. Mysaly 4 balasy bar otbasyǵa 16,03 aılyq eseptik kórsetkish mólsherinde memlekettik járdemaqy beriledi. Somasy – 55 304 teńge. Bes balaǵa – 69 138 teńge, alty balaǵa – 82 973 teńge, 7 balaǵa 96 807 teńge, segiz baladan joǵary ár balaǵa 13 800 teńgeden beriledi. Sonda on balaly otbasyǵa 138 000 teńge beriledi. Al on eki balasy bar shańyraqqa tólenetin aı saıynǵy memlekettik járdemaqy 165 600 teńge boldy.
Eske salaıyq, kópbalaly otbasylarǵa olardyń tabysyn esepke almaı beriletin memlekettik járdemaqy Qazaqstanda 2020 jyldyń 1 qańtarynan bastap ataýly áleýmettik kómek kórsetýdiń jańa tetikterinde kózdelgen tabysy az jáne kópbalaly otbasylardy qoldaýdyń úsh negizgi baǵyty aıasynda beriledi. Bıylǵy jyldyń 1 qańtarynan bastap kópbalaly otbasylarǵa beriletin memlekettik járdemaqynyń mólsheri 8,5%-ǵa artqan.
