Foto: gov.kz
Iаndeks Taksı monopolııaǵa qarsy organǵa aqparat bermegeni úshin ákimshilik jaýapkershilikke tartyldy. Kompanııa Qazaqstannyń sıfrlyq ekojúıesin qoldaý qoryna óz erkimen 3 mlrd teńge aýdardy.
Sondaı-aq Agenttik pen Iаndeks Taksı monopolııaǵa qarsy komplaens jasady. Sol negizde mynadaı sharalar keshenin iske asyrý kózdelgen:
- birinshiden, júrgizýshiler úshin eńbekaqyny arttyrý shartynyń biri retinde, eger tapsyrys jol júrý aqysynyń bazalyq qunynan eki ese asatyn bolsa, osy jyldyń 14 jeltoqsanynan bastap, Iаndeks komıssııasyn óndirip alýdy toqtatatyn boldy; (ekonomıkalyq áseri jylyna shamamen 2 mlrd teńgege);
- júrgizýshiler úshin qosymsha bonýstyq baǵdarlama engizý (2024 jyly sala aınalymy men ınflıasııanyń ósýine baılanysty 7-10 mlrd teńge);
- tarıfti qalyptastyrýdyń ashyqtyǵyn arttyrý maqsatynda tarıfti ne úshin kótergeni jáne qandaı ózgeris bolǵany týraly negizdeme keltire otyra, paıdalanýshy qosymshasyn jaqsartý.
- ekinshiden, jolaýshylar úshin jańartylǵan «Birge» tarıfi engiziledi, ol tipti eń joǵary suranys bolyp turǵannyń ózinde, tómen baǵamen taksıge tapsyrys berýge múmkindik beredi (tarıfti h2-ge deıin kóterýge shekteýler);
- agregator taksı qyzmetterine eń joǵary suranys jaǵdaıynda, mysaly, aýa raıynyń qolaısyzdyǵynda nemese mereke kúnderi h3-ten joǵary tarıfti kóterýge shekteýler engizedi, toqsanyna atalǵan deńgeıden joǵary saparlardyń sany 5% - dan aspaıtyn bolady;
- balamen júretin jolaýshylar úshin «balalar» tarıfi engiziledi, ol balalar kreslolary nemese býsteri bar avtokólikti shaqyrýǵa múmkindik beredi.
Taksı júrgizýshilerimen tıimdi qarym-qatynas jasaý jáne klıenttermen baılanysty qoldaý úshin Call-ortalyqta «kádimgi» operator jumys isteıtin bolady.
Sonymen qatar jolaýshylar men júrgizýshilerdiń múddeleriniń tepe-teńdigin qamtamasyz etetin kelesi júıeli sharalar qabyldandy:
- Agenttik zańnamaǵa túzetýler engizýge bastamashylyq jasady, olardy engizý júrgizýshilerge Iаndeks-pen taksoparksiz tikeleı jumys isteýge múmkindik beredi (taksoparkter komıssııasy 4-8% quraıdy);
- Iаndeks baǵdarlamalyq qamtamasyz etýdi, sondaı-aq baǵa belgileýge áser etetin faktorlardy (aýa raıy jaǵdaılary, mereke kúnderi, suranystyń artýy, júrgizýshilerdiń bolmaýy jáne t.b.) egjeı-tegjeıli zerdeleý úshin IT salasyndaǵy táýelsiz aýdıtorlyq kompanııa Agenttikpen, Sıfrlyq damý jáne aeroǵarysh ónerkásibi mınıstrligimen birlesip algorıtmdik baǵa belgileý aýdıtin júrgizedi.
Iаndeks mindettemeleriniń monopolııaǵa qarsy komplaens sheńberinde oryndalýy Agenttik janyndaǵy arnaıy monıtorıngtik toptyń baqylaýynda bolady. Onyń quramyna kásibı qoǵamdastyqtardyń sarapshylary (bastamashyl toptardyń, kólik, eńbek jáne halyqty áleýmettik qorǵaý, ádilet, sıfrlyq damý jáne ınnovasııalar mınıstrlikteriniń, sondaı-aq taksoparkter qaýymdastyǵynyń ókilderi) kiredi. Bul týyndaıtyn syn-qaterlerdi ýaqtyly qaraýǵa múmkindik beredi.
Sonymen qatar bolashaqta básekelestikti qorǵaý salasyndaǵy zańnamany buzý faktileri anyqtalǵan kezde Agenttik zańnamada belgilengen tıisti sharalardy qoldanady. Komplaenspen tolyǵyraq myna jerden tanysýǵa bolady.
