Aımaqtar • 15 Jeltoqsan, 2023

Qarly boran, kóktaıǵaq saldarynan Jambyl oblysynda joldar jabyldy

350 ret

kórsetildi

1 mın

oqý úshin

Jambyl oblysynda qarly boran, kóktaıǵaq saldarynan jol kórinbeı qalyp, «Batys Eýropa-Batys Qytaı» avtojolynyń 163-ten 230-shaqyrymyna deıingi ýchaskesi (jańa Qordaı asýy), «Merki-Shý-Býrylbaıtal» avtojolynyń Astana qalasy baǵytyndaǵy 125-shaqyrymy, Túrkistan oblysymen shekarada Shaqpaq aýyly mańyndaǵy Kúıik asýy ýaqytsha jabyldy, dep habarlaıdy Egemen.kz.

Dana MYRZAQADIR

Qarly boran, kóktaıǵaq saldarynan Jambyl oblysynda joldar jabyldy

Foto: ashyq derekkóz

Oblystyq Polısııa departamentiniń bastyǵy Armanbek Baımýrzın joldardaǵy kúrdeli jaǵdaıǵa baılanysty 750-den astam polısııa qyzmetkeri kúndiz-túni joldarda kezekshilik etip jatqanyn málim etti.

«Aýa raıy jaqsarǵanǵa deıin atalǵan aýmaqtar sizderdiń qaýipsizdikterińiz úshin jabylady. Shekteý sharalaryna túsinistikpen qaraýdy suraımyn. Saǵat saıyn bizge buzylyp qalǵan kólikter týraly habarlamalar túsip jatyr. Tas joldarda 1000-nan astam avtokólik keptelip tur. Polısııanyń 750-den astam qyzmetkeri olarǵa kómektesip, táýlik boıy kezekshilikterin atqaryp júr. Biz kúsheıtilgen rejımde jumys istep jatyrmyz», dedi departament bastyǵy.

Polısııa departamentiniń bastyǵy turǵyndardy aýa-raıynyń jaqsarýyn kútýge jáne alys saparlardy birneshe kún keıinge qaldyrýǵa shaqyrdy.