Sport • 20 Jeltoqsan, 2023

Elimizdiń úsh hokkeı quramasy álemdik elıtaly dıvızıonda oınaıdy

180 ret

kórsetildi

1 mın

oqý úshin

Majarstannyń bas shahary Býdapeshtte shaıbaly hokkeıden jastar arasyndaǵy IA dıvızıonynyń álem chempıonaty aıaqtaldy. Jahandyq dodada Qazaqstan quramasy merziminen buryn birinshiliktiń bas júldesin jeńip aldy. Jerlesterimiz bastapqy tórt oıynda Majarstan, Fransııa, Danııa, Japonııa quramalaryn tize búktirse, sońǵy matchta Aýstrııa jastaryna býlıtter serııasynda ese jiberdi. Jarys qorytyndysynda Sergeı Starygın shákirtteri 13 upaımen top jardy, dep habarlaıdy Egemen.kz vedomstvonyń baspasóz qyzmetine silteme jasap.

Shyńǵys MUQAEV

Elimizdiń úsh hokkeı quramasy álemdik elıtaly dıvızıonda oınaıdy

Foto: Turizm jane sport ministrligi

Jastar quramasynyń atalǵan jeńisinen keıin Qazaqstan tarıhı jetistikke qol jetkizdi. Atap aıtqanda, 2024 jyly ótetin álem chempıonatynyń elıtaly dıvızıonynda birden úsh quramamyz – ıaǵnı, jasóspirimder, jastar, eresekter arasyndaǵy ulttyq qurama óner kórsetý múmkindigine ıe boldy.

Hokkeıshilerdi jarqyn jeńisterimen quttyqtaǵan Týrızm jáne sport mınıstri Ermek Marjyqpaev bıyl shaıbaly hokkeıden ár jastaǵy ulttyq quramalarymyz tamasha nátıjege qol jetkizip, tarıhta alǵash ret álem chempıonatynyń elıtaly dıvızıonynda oınaıtynyn, elimizde shaıbaly hokkeıdiń qarqyndy damyp kele jatqanyn atap ótti.

Eske salaıyq, bıyl sáýir aıynda jasóspirimder quramasy IA dıvızıonyndaǵy álem chempıonatynda birinshi oryndy ıelenip, elıtaly topqa joǵarylaǵan. Al eresekter quramasy toptyq kezeńde úsh ret jeńiske jetip, elıtaly toptaǵy ornyn saqtap qaldy jáne top-dıvızıonda qatarynan tórtinshi jyl oınaǵaly otyr.