Foto: Polisia.kz
Olar Almaty – Astana tas jolynan 2 shaqyrym jerde ornalasqan oryndy qazyp 2 aıǵa jýyq sol jerde jasyrynǵan.
«Arnaıy jedel-tergeý toby quryldy. Kúni keshe kúdiktilerdiń turǵan jeri belgili boldy: olar osy ýaqyt boıy Almaty – Astana tas jolynan 2 shaqyrym jerde ornalasqan oryndy qazyp, (kólemi 3h1,3 m, bıiktigi 1,7 m) sol jerde jasyrynyp júrgen. Onda kúdiktiler ózderine arnaıy baspana jasap, tamaqtanatyn oryn jasap qoıǵan. Olar ózderiniń tanysyn óltirgenderin moıyndady. Kúdiktiler qamaýǵa alyndy», dedi Almaty qalalyq PD krımınaldyq polısııa basqarmasynyń bastyǵy Qýatbek Naýatov.
Polısııa basqarmasy qylmysqa qatysty ózge aqparat tergeý múddesine oraı jarııa etilmeıtinin, Konstıtýsııasynyń 77-baby 3-bólimi 1-tarmaǵy, QR QK-niń 19-baby 1-tarmaǵyna saı kez kelgen azamat sot sheshimi zańdy kúshine engenge deıin kinásiz dep sanalatynyn eskertedi.
