Qurylǵynyń ortasha quny shamamen 4,1 mıllıon teńgeni quraıdy.
Sybaılas jemqorlyqqa qarsy is-qımyl agenttiginiń Almaty oblysy boıynsha departamenti taratqan málimet boıynsha bıyl 1,2 mlrd teńgeden astam bıýdjet qarajatynyń tıimsiz jumsalýynyń aldyn aldy.
Sybaılas jemqorlyqqa qarsy is-qımyl agenttiginiń Almaty oblysy boıynsha departamenti basshysynyń birinshi orynbasary Aıdos Mamyttyń aıtýynsha, departamentpen memlekettik organdar men uıymdardyń satyp alýlaryna júıeli túrde monıtorıng júrgiziledi.
Bul baǵyttaǵy negizgi qural - «Satyp alýdyń biryńǵaı terezesi» júıesi. Josparlanǵan taýarlardyń baǵalary ortasha naryqtyq baǵalarmen salystyrylady. Sáıkesinshe, baǵany kóterip jibergen jaǵadaıda, Sybaılas jemqorlyqqa qarsy qyzmet tarapynan usynystar engiziledi.
Tek osy jyldyń oblys boıynsha 1,2 mlrd qarajattyń tıimsiz paıdalanýynyń aldy alyndy. Máselen, Almaty oblysynyń Tótenshe jaǵdaılar departamenti beınekonferensbaılanys júıesin bir dana úshin 50 mıllıon teńgege satyp alýdy josparlaǵan, al bul ónimniń ortasha quny shamamen 4,1 mıllıon teńgeni quraıdy. Nátıjesinde satyp alý toqtatyldy. Sonymen qatar, birinshi orynbasary ákimshilik tájirıbe týraly habardar etti. Departamentpen sybaılas jemqorlyq quqyq buzýshylyqtar úshin ákimshilik jaýapkershilikke 23 adam tartyldy, -dedi Aıdos Mamyt.
Salynǵan aıyppuldyń jalpy somasy 4 968 000 teńgeni qurap, ol tolyǵymen óteldi.
