Osy shart negizinde oblys ortalyǵyndaǵy Abylaı han alańynda muz qalashyǵy salynady, onyń bıiktigi – 22 metr. Jańa jyldyń basty shyrshasy ornatylyp, túrli tústi jaryqdıotty shamdarmen jáne áshekeı buıymdarmen bezendiriledi. Qazirgi kezde shyrsha qurastyrylyp jatyr.
Sonymen birge 2024 jylǵa ótetin jol bıiktigi 3 m jáne uzyndyǵy 12 metr, onyń aldyńǵy bóliginde bıiktigi 1 metr jáne uzyndyǵy 80 metr qorshaý, Aıaz ata kompozısııasy jáne Aıaz atanyń úsh tulpary men shanasynyń kompozısııasy, segiz keıipker, «Syılyq» kompozısııasy, «Qysqy aı» kompozısııasy, jańajyldyq shamdary bar kúmbez, sakýra jáne aq aǵashtar, sondaı-aq qalanyń ortalyq kóshelerindegi jaryq baǵandaryna túrli tústi jaryq panel kronshteınderin ornatý qarastyrylǵan. Munyń bári jaryqdıodty dızaınmen jasalady.
Budan bólek, Abylaı han alańynda, «Dostar» mádenıet úıi men «Bolashaq saraıyna» aldynda bir úlken, bir kishirek syrǵanaıtyn muz tóbeshik ornatylady. Sondaı-aq oblystyq fılarmonııanyń janynda, Zastansıonnyı, Vasılkovskıı, Saryarqa, Sentralnyı, Qulager, Beıbitshilik, Jaılaý shaǵynaýdandarynda, Abylaı han dańǵyly men Shuǵyla kóshesinde bir shyrshadan ornatylmaq.
«Muz qalashyǵyn paıdalaný kezinde ony kútip ustaý, keıin bolǵan soń bólshektep jınastyrý kózdelgen. Merekelik is-sharalarǵa arnalǵan shyǵystardy qysqartý maqsatynda buryn belgilengen jáne jaramdy kúıde turǵan bezendirý elementterin qaıta satyp alý júrgizilmeıdi», dep jazdy qala ákimdiginiń baspasóz qyzmetinen.
