«Qurmetti Qasym-Jomart Kemeluly, meniń atym sizdiń ákeńizdiń esimimen attas - Kemel. Búgin meniń týǵan kúnim jáne osydan týra 12 jyl buryn ata-anam maǵan bul esimdi qoıǵan. Men Astana qalasynda turamyn jáne osy jerde oqımyn. Meniń súıikti pánderim - Qazaqstan tarıhy, dúnıejúzilik tarıhy jáne geografııa. Ártúrli elderdiń banknottary men tıyndaryn da jınaımyn. Men saıahattaýdy jaqsy kóremin jáne álemniń tórt elinde boldym.
Men búkil álemdi saıahattaýdy armandaımyn. Men ár saparymda jańa adamdarmen tanysyp, aralasamyn. Sizdi kórip, sizben sóılesip, qoltańbańyz jazylǵan «Áke týraly sóz» kitabyn alýdy armandaımyn. Meniń hatymdy oqyp, armanym oryndalady dep senemin», dep jazdy jasóspirim.
Balanyń aıtýynsha, 21 jeltoqsanda onyń armany oryndaldy. Ol anasymen birge Prezıdent ákimshiligine shaqyryldy, sondaı-aq syılyqqa kitap aldy.
«Kemel Júsipovke ómirde aq jol tileımiz! Azamat bol!», dep Memleket basshysy qol qoıdy.
Bala syılyq úshin el Prezıdentine alǵysyn bildirdi.
«Prezıdent meniń hatymdy oqydy. Al men Qasym-Jomart Kemeluly Toqaevtyń qoltańbasy men tilekteri jazylǵan kitapty syılyq retinde aldym. Meniń armanym oryndaldy, men oǵan áli senbeımin. Sizge kóp rahmet», dep bala Instagram jelisinde alǵysyn bildirdi.
