Bul qadam eldiń perspektıvaly ýchaskeleriniń geologııalyq qurylymyn tereń túsiný jáne taý-ken salasyna jańa ınvestısııalar aǵynyn yntalandyrýǵa baǵyttalǵan.
Mınıstrlik jer qoınaýyn zertteýdiń tıimdiligin arttyrýǵa, sondaı-aq jer qoınaýyn paıdalaný prosesterin avtomattandyrýǵa kúsh-jigerin jumyldyrdy. Bul is-sharalar jergilikti jáne halyqaralyq taý-ken kompanııalarynyń nazaryn aýdarýyna múmkindik berdi. «Minerals.gov.kz» platformasynda ótinish berýdiń avtomattandyrylǵan júıesin engizý bul baǵyttaǵy mańyzdy qadam boldy.
2023 jylǵy 2 qazannan 1 qarashaǵa deıin Mınıstrlik «minerals.gov.kz» platformasy arqyly 300 000 blokty qamtıtyn jańa aýmaqtarda qatty paıdaly qazbalardy barlaýǵa ótinimder qabyldady.
2023 jylǵy 20 jeltoqsanda e-qazyna.kz platformasynda 45 jer qoınaýy ýchaskesinde qatty paıdaly qazbalardy barlaý quqyǵyna elektrondy aýksıon ótti. Aýksıon Riotinto, Fortescue, Kratos Resources, Cove Capital, Eczacibasi Holding, Kazakhmys Corporation, ERG Exploration, «Qazgeologııa» UGK, ALINA HOLDING jáne t.b. osy sııaqty iri kompanııalardyń nazaryn aýdardy. Aýksıonnyń jazylý bonýsy shamamen 2,5 mlrd teńgeni qurady.
Mınıstrliktiń bastamalary Qazaqstannyń taý-ken ónerkásibi úshin jańa múmkindikter ashady. Bul sharalar ekonomıkalyq ósýge jáne osy saladaǵy álemdik naryqtaǵy eldiń pozısııasyn nyǵaıtýǵa yqpal etedi.
