Balabaqsha jasyndaǵy balanyń aqyn-jazýshylardy jatqa aıtyp otyrǵan sátiniń vıdeosyn anasy TikTok paraqshasynda jarııalady.
"Otyrar" arnasynyń málimetinshe, beınejazbada qolyna «Ádebıettik oqý» pániniń oqýlyǵyn ustaǵan balaqaıdyń anasy kitapty paraqtap otyryp, ulynan ondaǵy aqyn-jazýshylardyń aty-jónderin suraıdy. Búldirshin bolsa «Abaı Qunanbaev, Ybyraı Altynsarın, Shákárim Qudaıberdiuly, Ahmet Baıtursynov» dep qazaq zııalylylarynyń esimderin aıtyp beredi.
Bul vıdeony kórgen jeli qoldanýshylary búldirshinniń este saqtaý qabiletine tań qalysyp, bolashaqta ǵalym bolsyn degen tilekterin bildirdi.
«Myqty bala bolaıyn dep tur», «Alla qalasa, balańyz úlken ǵalym bolar. Til-kózden aman bolyp, úlken azamat bop óssin», «О́zim tek Abaıdy bilemin, qalǵandaryn umytyp qalyppyn. Jaraısyń, balaqaı», «Keleshekte jazýshy bolshy. Tez uǵady eken», «Keremet. Til-kózden amal bol, balapan», «Osynsha jasynda bárin bilip tur. Bir jerdi tesip shyǵady», «Talabyńa nur jaýsyn», «Bizden jaqsy biledi eken» dep jazdy jelidegiler.
Avtordyń jeli qoldanýshylarynyń pikirine bergen jaýabyna súıensek, balaqaı 3 jasta. Shymkent qalasynda turady.
